Сослан тыхагур, Батраз æмæ уæларвон Куырдалæгон. Нарты Кадджыты хъайтартæ ныр сты сывæллæтты ахорæнты. Проект «Нарты»-йыл куыста сфæлдыстадон къорд. Хуыгаты Ацæмæз, Таболты Дзантемыр, Хуыгаты Агуындæ æмæ Елизавета Бугайцова. Историктимæ иумæ бæстон бакуыстой алы эскизыл дæр. Уымæй уæлдай ма, дзы фыст ис Нарты кадджыты хъайтарты тыххæй бæлвырд характеристикæ.
Ахорæнты тираж — 3 мины бæрц. Тагъд рæстæджы ма йæ рауадздзысты ирон æвзагыл дæр. Проекты фарс рахæцыдысты культурæйы министрад, фæсивæды хъуыддæгты фæдыл комитет, уыимæ Цæгат æмæ Хуссар Ирыстоны ахуырад æмæ наукæйы министрадтæ, æхсæнадон куыстуæттæ. Ноджы ма иу ногдзинад – «Сказания в картинках».
