Аив дзырды æмæ арф хъуыдыты дæсны. Александр Пушкины гуырæнбон бæрæг кæнынц куыд æппæт бæстæйы, афтæ Цæгат Ирыстоны дæр.
Дунейы та 6-æм июнь нымад у уырыссаг æвзаджы боныл. Иугонд нациты организацийы бæрæггæнæнтæм гæсгæ уырыссаг æвзаг зонынц æмæ йыл сæ хъуыдытæ дзурынц дунейы 250 милуан адæймаджы. Бæрæгбон саразыныл бацархайдтой Цæгат Ирыстоны паддзахадон университеты студенттæ.
Уырыссаг филологийы факультеты фæсивæд сæ ахуыргæнджытимæ иумæ бабæрæг кодтой, Дзæуджыхъæуы Пушкины ном цы бынæттæ хæссынц, уыдон. Рухстауæн марафон райдыдтой сæ факультеты цур. Цы мемориалон фæйнæг дзы ис, уый студенттæн балæвар кодта Дзбойты Михал. Универститеты кæрты та дидинджытæ сæвæрдтой поэты бюсты раз. Нысангонд программæмæ гæсгæ уыдысты Пушкины скверы, стæй, Кировы æмæ Миллеры номыл уынгты тигъыл поэтæн цы цыртдзæвæн ис, уый цур дæр.