Цæгат Ирыстоны скъолатæ абон кусын райдыдтой. 2 къуырийы дæргъы æхгæд уыдысты карантины. Ныр, ахуырад æмæ наукæйы министрады хъæппæрисæй ахуырадон уагдæттæ сæ куыст кæнын райдыдтой фæткмæ гæсгæ.
Цæгат Ирыстоны фæлхасгæнджытæм цæстарды управленийы куыд хъусын кæнынц, афтæмæй грипп æмæ æхснырсæг йæхиуыл чи æнкъары, уыдоны нымæц фæкъаддæр. Афонмæ гæсгæ нысангонд нымæцæй чысыл фылдæр йеддæмæ нæу. Ахуыргæнæндæтты цы мониториг цæуы, уый та равдыста, карантины мадзæлттæ хорзы ’рдæм кæй фæбæрæг сты съколадзаутыл, уый. Эпидемиологон бæрæггæнæнты арæнтæй бæрзонддæр нал схызтысты. Уæ зæрдыл уын æрлæууын кæндзыстæм, республикæйы скъолатæ æмæ рæвдауæндæттæ карантины сæхгæдтой 1-æм февралы.
