Наукæйы бонтæ ЦИПУ-йы райдыдтой наукон-иртасæн конкурсы уæлахиздзаутæй. Схорзæх сæ кодтой кадджын уавæры.
Студенттæн бацæттæ кодтой цымыдисаг программæ. Дыууæ боны сын сæ зонындзинæдтæ бæрæг кæндзысты алыхуызон викторинæты, наукон-практикон конференциты, интерактивты æмæ лекциты. Суанг ма ацæудзысты дæсныйадæвдисæн ахуыртæ актеры дæсныйадæй æмæ нывкæнынадæй.
Мадзаларазджыты ныхæстæм гæсгæ, уый фæрцы фæсивæдӕн фылдæр фадат уыдзæн сæ курдиат раргом кæнынæн æмæ хи проекттæ аразынæн.