Тугъанты Махарбеджы номыл аивадон музейы байгом равдыст «Дорогой духа», зæгъгæ. Æвдыст дзы цæуынц Хуссарирыстойнаг æрмдæсны Кæсæбиты Андрейы куыстытæ. Экспозицийы ис 40 скульптурæйæ фылдæр. Сæ фылдæр конд сты хъæдæрмæг æмæ бронзæйæ. Уымæй уæлдай, автор фыццаг хатт равдыста йæ графикон нывтӕ.
Ацы сæрмагонд равдыст Кæсæбиты Андрейæн у дыккаг. Йæ курдиат кæддæриддæр аивадуарзджыты сцымыдис кæны. Куыстытæ арæзт сты национ æууæлтæ хынцгæйæ. Се ‘хсæн Нарты кадджыты хъайтартæ дæр. Равдыст бабæрæг кæнæн ис 20-æм июны онг.