22 июнæй пандемийæйы фæстæ Уæрæсейæн фæзындзæн бастдзинад Куба, Турци, Мальдивæтæ, Бельги, Египет, Кипр æмæ Италиимæ. Республикæйы цæрджытæй фæсарæнтæм ацæуын æмæ баулæфын кæй фæнды, уыдоны нымæц фæфылдæр. Уый тыххæй хъусын кæнынц Цæгат Ирыстоны туристон агентадтæ.
Улæфæн рæстæджы дæр, æнæмæнг, æххæст кæнын хъæудзæн санитарон-эпидемиологон домæнтæ. Хæдтæхæджы сбадыны размæ уал дæ къухы хъуамæ уа, коронавирус дæм кæй нæй, уый æвдисæндар, уыимæ вакцинацийы сертификат. Бæлццæттæн ма семæ хæссын хъæудзæн хи хъахъхъæныны фæрæзтæ: маскæтæ, æрмкъухтæ æмæ санитайзертæ.