Уæрæсейы фæлхасгæнджытæм цæстдарды управленийы амындмæ гæсгæ коронавирусы ныхмæ уагæвæрдтæ хъæуы фæкарздæр кæнын. Уый тыххæй фехъусын кодтой оперативон штабы æмбырды. Амыдта йæ республикæйы хицауады сæрдары хæстæ рæстæгмæ æххæстгæнæг Тускъаты Таймураз.
Уæлдæфон æмæ æвсæнвæндаггон транспорты хуызты республикæмæ цы бæлцæттæ ссæуа, уыдонæн бардзысты сæ буары тæвд. Низы миниуджытæ кæмæ раиртасой, уыдон дæтдзысты сæрмагонд иртæстытæ. Тускъаты Таймураз муниципалон скондты сæргълæуджытæм фæсидт, дзуапдæттæг ведомствæимæ æмгуыст кæнын, цæмæй низ ма парахат кæна. Æмбырды ма иу-хатт фæнысан кодтой, ахсджиаг у вакцинаци ацæуын.