Республикæйы сæргълæууæг Сергей Меняйло сæ профессионалон боны фæдыл арфæ ракодта наукон кусджытæн.
Абон Уæрæсейы бæрæг кæнынц уæрæсейаг наукæйы бон. Ахсджиаг бæрæгбон, кæцы ма иу хатт ӕвдисы, бæстæйы райрæзт ӕмӕ тых кæй бæрæг кæнынц наукон лабораториты, ахуыргæндты наукон куыстыты, хуымæтæг хъуыддæгтæ алы хуызы æххæст кæнгӕйӕ. Уӕлдайдӕр та зонгӕ фӕзындтӕ ног ӕмӕ хӕдхуыз методтӕй иртасгӕйӕ. Уæ зæрдыл уын æрлæууын кæндзынæн, Президенты Указмæ гæсгæ 2022-æм – 2031-æм азтæ нысангонд æрцыдысты наукæ æмæ технологитæн. Нæ республикæйæ рацæуæг адæм наукæйы алы къабазы дӕр сты æнтыстджын, стыр æвæрæн бахастой йæ райрæзтмæ. Бузныг сын зæгъын сæ равзæрст хъуыддаджы æнувыддзинад æмæ стыр курдиаты тыххæй. Фидæны ахуыргæндтæн бындур æвæрæм кванториумтæ æмæ зондабиты центрты. Аразæм сын æппæт æмбæлгæ уавæртæ. Ныфс мæ ис, уæрæх фæндæгтæ сæм кæй æнхъæлмæ кæсы. Дарддæр дæр сæ фарсмæ уыдзыстæм. Ныридæгæн наукæйы ныфсджынæй чи архайы, уыдонæн та мæ зæрдæ зæгъы æнæниздзинад. Ӕнтыстджын ут, – загъта Сергей Меняйло.