Уæрæсейы президент Владимир Путин паддзахадон хæрзиуджытæ саккаг кодта алыхуызон къабæзты раззагдæр специалисттæн. Ахæм кадджын номхыгъдмæ бахастой не` мзæххон Владислав Заалишвилийы. У Дзæуджыхъæуы наукон центры геофизикон институты директор. Бирæ азты дæргъы пайда æмæ ахсджиаг куысты тыххæй йын саккаг кодтой «Уæрæсейы Федерацийы сгуыхт саразæджы» ном. Владислав Заалишвили у зындгонд ахуыргонд геофизикæйы къабазы æмæ инженерон сейсмологийы. У 650 наукон куысты автор, уыдонæй 18 сты монографитæ. Бакуыста 7 методикон æмæ ахуырадон æрмæгыл. Сси 66 патенты хицау. Разамынд лæвæрдта 228 наукон-иртасæн куыстæн. 2017 азы хорзæхджын æрцыд «Ирыстоны Намыс»-ы майданæй.