Чемпионат «Уорлдскилз»-мæ бирæ нал баззад. Абон Хъазанмæ сæмбæлдысты фыццаг архайджытæ. Æдæппæтæй мадзалы архайдзысты 63 бæстæйы минæвары. Æрыгон дæснытæ сæ арæхстдзинад æвдисдзысты 56 компетенцийы. Се хсæн столяртæ, флористтæ, хæринаггæнджытæ. Æдæппæтæй 1300 архайæджы. Уыдон национ ерысты уæлахиздзаутæ сты. Цæгат Ирыстоны минæвар чемпионаты уыдзæн Цæгат Кавказы аграрон-технологон колледжы студенткæ Зæгæлты Дзерассæ. Уый интерактивон фæзы дæсныйад æвдисæг ахуыртæ сараздзæн ирон чъиритæ фыцынæй.
Зæгæлаты Дзерассæ, чемпионаты архайæг: «Цæмæй хуыссæ фæлмæн рауайа уый тыххæй хойрæгты бæрц хъуамæ нæдæр къаддæр уа нæдæр фылдæр. раст адих кæнын Афтæ куынæ бакæнæм, уæд хуыссæ рауайдзæн æнад. Чъиритæ кæнын цымыдисаг хъуыддаг у. Уый нæ национ хæринаг у. Хъуамæ сæ зæрдиагæй цæттæ кæнай. Æвзæр хъуыдытимæ нæ».
