День осетинского языка и литературы отметили в Северной Осетии. Конечно, не так масштабно, как в прошлом году, но праздничные мероприятия были. С праздником жителей поздравил, и глава республики Вячеслав Битаров. Он отметил, что язык — основа нашей культуры и мы обязаны сохранить его во имя будущего нации. В день осетинского языка и литературы, телекомпания, совместно с министерство образования РСО-Алания, провела глобальный диктант. Дистанционно диктант написали более 2 тысяч человек. Æмæ иугæр ирон æвзаджы боныл дзурæм, уæд нæ ныхас дарддæр æнæмæнг хъуамæ нæхи мадæлон æвзагыл ахæццæ кæнæм. Глобалон диктанты хатдзæгтæ сбæрæг сты.
Ныр 8 азы дæргъы ирон æвзагæй сæ зонындзинæдтæ фæлварынц алы кары адæм. Радон хатт, мадæлон æвзаг зынаргъ кæмæн у, уыдон иууылдæр æрбамбырд сты. Сæ тыхтæ фæлварынц æвзагзонынады, фæлæ ныр ног хуызы. Не `мкусæг Гуыбаты Людмилæ, фыццаг глобалон диктант 2012 азы чи фыста, уыдонæй иу у. Иунæг уыд, иттæг хорз бæрæггæнæн чи райста, уый.
Габеты Лаурæ та,Къостайы номыл хæдзар-музейы сæргълæууæг, глобалон диктанты акцийы фæархайы æрвылаз дæр. Ацы аз фыццаг хатт архайдта дистанцион хуызы. Куыд фæнысан кодта, афтæмæй текст уыд æнцон æмæ йæм зындзинæдтæ нæ сывзæрд.
Фыццаг хатт диктант ныффыссынмæ æрбацыд Цæрикъаты Риммæ — Ирон театры актрисæ. Хъусынгæнинаджы тыххæй базыдта интернеты тыгъдады. Фæнды йæ иннæ аз дæр та бацархайын.
Диктанты сæргонд – «Фæндæгтæ». Ист у Бесаты Тазейы роман-трилогийæ «Тызмæг хæхтæ». Текст арæзт у цыппар абзацæй, ис дзы 259 дзырды. Æмбæлы дзы, мивдисджыты ивгъуыд афоны формæтæ, уымæй уæлдай ма дзы ис бавæргæ дзырдтæ дæр.
Ахæм текстыл ныффыстой диктант 2 мин архайæгæй фылдæр. Цæгат Ирыстоны ахуырад æмæ наукæйы министрады национ хайады сæргълæууæг Нæкуысаты Иринæ куыд бафиппайдта, афтæмæй хæслæвæрд уыд æнцон æмæ хуымæтæг.
Нæкусаты Иринæ, РЦИ-Аланийы ахуырад æмæ наукæйы министрады национ хайады сæргълæууæг
Ирон æвзаг æмæ литературæйы бонмæ цы акци арæзт æрцыд, уый у æрвылазон. Фæлæ ацы аз бæлвырд аххоссаджы тыххæй ацыд дистанцион хуызы. Архайджытæ уыдысты канд республикæйы цæрджытæ нæ, афтæ ма фæсарæнты цы ирæттæ цæры, уыдон дæр. Иннæ азтимæ абаргæйæ, ацы хатт архайджытæ — æппæтæй фылдæр.
Турчы амонынц ирон æвзаджы сусæгдзинæдтæ. Кæстæртæ тырнынц бæрзонд зонындзинæдтæм. Ам дæр сбæрæг кодтой ирон æвзаджы бæрæгбон. Фидарæй зæгъæн ис, Турчы цæрæг ирæттæ æрмæст æвзаг бахъахъхъæныныл нæ, фæлæ Райгуырæн бæстæйæн æцæг патриоттæ схъомыл кæныныл кæй архайынц. Æхсæнады сæрдар Хъуысаты Садреттин куыд фæнысан кодта, афтæмæй ацы бæрæгбон турчы цæрæг адæмæн уæлдай кадджын вæййы. Æвзаджы хъысмæтыл ам дæр иузæрдионæй хъуыды кæнынц.
Цæмæй рæзгæ фæлтæр сæ мадæлон æвзаг ма ферох кæной, уый тыххæй бындуронæй архайынц. Ирон æвзагыл дзурынмæ ахуыр кæнынц райдиан скъолайæ. Æвзаджы фæзилæнтæ цæмæй ныртæккæйы рæстæджы иумæ æмдзу кæной, уый тыххæй та кусынц чингуыты хæрзхъæддзинадыл. Ахуырад æмæ наукæйы министрады хъæппæрисæй арæзт æрцыд педагогон æмæ наукон экспертизæ. Ныртæккæ ма сын цæудзæн арæзт æхсæнадон дæр. Уый руаджы рабæрæг кæндзысты гæххæтты хæрзхъæддзинад, чиныджы цъар, йæ хуыз, иллюстрацитæ. Æвзагиртасджытæ иу хъуыдыйыл хæст сты, кæд æппынæдзух мадæлон æвзаг хъахъхъæнын хъæуы, уæддæр сæфтмæ не `рцæудзæн.
Айларты Эмилия
