21 февраля отмечают Международный день родного языка. Каждый из нас вкладывает в эту дату своё определение. Общее, пожалуй, одно – в такой день хочется говорить об истории, культуре, связи поколений. Наконец о людях, труд которых, да что труд, вся жизнь связаны с тем, чтобы сохранить родной язык, привить любовь к нему. О силе и магии родного слова на родном осетинском – в материале Тамерлана Рамонова.
Мадæлон æвзаг – мады ад кæны. Калоты Тамарæ ирон æвзаджы ахургæнæгæй кусы 65 азы дæргъы. Йæхæдæг куыд загъы, афтæмæй йæ цард снывонд кодта йе ‘взæрст дæсныйадæн. Йе стырдæр хæзнайыл та нымайы йæ ахуыргæнинæгты. Йæ размæ сæвæрдта нысан – цалынмæ йæ бон уа, уæдмæ йæ зонындзинæдтæ не ‘вгъау кæндзæн кæстæр фæлтæрæн. Йæ кусæн уат ифтонггонд у хъæугæ кусæнгæрзтæй. Суанг ма йæхæдæг нымæтæй кæй бахуыдта, ахæм дыргътæ æмæ халсартæ.
Хуытъинаты Маринæйы йæ хъысмæт ирон æвзаджы ахуыргæнæджы куыстимæ æрæджы сбаста. Фарныхъæуы скъолайы ахуыргæнæгæй кусы 6 азы. Уый размæ фыдæбон кодта сывæллæтты рæвдауæндоны. Маринæ, ирон æвзаг нымайы хъахъхъæнын кæй хъæуы, ахæм национ хæзнайыл.
Ирон æвзагмæ уарзондзинад æрбынат кодта æндæр адæмы хаттæй чи у, уыцы сывæллæтты зæрдæты дæр. Шабнам Шарипова у таджикаг, фæлæ йа цард æнæ Хетæгкаты Къостайы æмдзæвгæтæй нæ уыны.
Джимиты Тимур кæд нырма æхсæзæм къласы ахуыр кæны, уæддæр æппынæдзух йæ сагъæстæ баст сты йæ мадæлон æвзагимæ. Æмбары йæ æвзаг куы нал уа, уæд наци дæр сæфты къахыл кæй æрлæудзæн.
Æвзаджы уавæр у ирон æвзаджы факультеты стырдæр хæс. Уым цæттæ кæнынц ирон æвзаджы ахуыргæнджыты. Факультеты деканы хæстæ рæстæгмæ æххæстгæнæг Хадашева Сабира куыд фæбæрæг кодта, афтæмæй факультеты афæдзæй-афæдзмæ абитуриентты нымæц рæзы.
Факультеты раззагдæр студенткæ Хынцæгты Ларисæ йæ бæллиц сæххæст кодта бирæ фæстæдæр. Абон у ныййарæг, фæлæ уæддæр йæ хæсыл нымайы ирон æвзаг парахат кæнын.
Се ‘ппæтæн дæр ис иу хæс. Ирон æвзаджы факультеты студенттæн сæ мадæлон æвзаг у сæ царды нысаниуæг.
Ирон æвзаг ‘ввахс кæны адæмы, йæ фæрцы цæрынц нæ фыдæлты рæсугъд æмæ уæздан æгъдæуттæ. Ирон æвзаг йæ адæмы арæнтæй раджы ахызт. Уый мах абон бæлвырд базыдтам.
