Фыдыбæстæйы Стыр хæсты ветеран Челæхсаты Кимæ

90 мин адæймаджы ацыд хæстмæ Ирыстонæй, æмæ дзы нал сыздæхт 45 минæй фылдæр. Уый тыххæй фæдзурæм æппынæдзухдæр. Дзурæм ыл абон дæр, уымæн æмæ нæй рох кæнæн, историйы æмбал кæмæн нæ уыд, уыцы карз хæсты цаутæ
Æмæ абон нæ сæйрагдæр уазджытæ сты — хæсты архайджытæ. Ветерантæ, хæсты фæсчъылдымы чи архайдта, æмæ фронтæн æххуыс чи кодта, уыдон.
Бонæй-бонмæ нæ дарддæр кæны Уæлахизы бон. Афæдзæй-афæдзмæ къаддæр кæнынц, уыцы тугуарæн йæхи цæстæй чи федта, нæ уыцы кадджын ветерантæ. Сæ алы ныхас дæр нын хъуамæ суа ныстуаны хуызæн. Семæ фембæлд та — ног фæлтæртæ нæм хæлæг кæй тыххæй кæндзысты, ахæм бæрæгбонау.