Ног дзырдты фæзынд æмæ æвзаджы рæзты закъæттæ цымыдисаг сты. Райсæм-ма нæхи æвзаг. Арæх фехъусæн вæййы, ирон æвзаг зынтæй рæзы æмæ у зынæмбарæн, зæгъгæ. Цы хъуыды кæнынц уый тыххæй Ирон æвзаджы рæзты Центры специалисттæ та æмæ цавæр сты сæ куысты хатдзæгтæ ахуыргæндтæн? «Йæ рæстæгыл» ууыл дзурæм нæ уазджытимæ.
Архитектурæйы афæдзыл нымад æрцыд 2026-æм Цæгат Ирыстоны. Уый та уый нысан кæны, æмæ фылдæр хъусдард æмæ цæстдард цæудзæн историон æмæ культурон объекттæм. Нæ республикæ та сæ хъæздыг у. Æрæджы хицауады æмбырды фехъусын кодтой, хъахъхъæнын кæй хъæуы, Дзæуджыхъæуы ахæм бынæтты арæнтæ кæй снысан кæндзысты, уый тыххæй. Уый фæрцы горæты сæйраг уынгты бæлвырд бынæтты нал уыдзæн арæзтадон æмæ æндæр куыстытæ кæнæн. Лæмбынæгдæр каст цæудзæн хæхбæсты архитектурæмæ дæр. Æмæ уыдæттыл ныхас кæнæм нæ программæйы.
