Афганистаны чи хæцыд, уыдоны бинонтæн æххуыс. Тутыры бæрæгбон

16.03.2021 20:28

Вечерняя смена

Выпуск от 16.03.2021

Йæ интернационалон хæс Афганистаны чи æххæст кодта, уыдоны бинонтæй зын уавæры чи бахауд, уыдонæн Цæгат Ирыстоны социалон рæзты министрад баххуыс кæндзæн æхцайы фæрæзтæй. Цас у материалон æххуысы бæрц? Æххуысхъуаг бинонты куыд æмæ чи æвзардзæн? Уый радзырдта РЦИ-Аланийы фæллойы æмæ социалон рæзты министрады адæмæн социалон æххуыс кæныны хайады хицауы хæдивæг Бетрозты Наталья.

Тутыртæ… Ацы бæрæгбоны тыххæй нæ кæд бирæтæ фехъуыстой, уæддæр æй кæм æмæ куыд бæрæг кæнынц, уый се ‘ппæт нæ зонынц. Афтæмæй та йын цы ахадындзинад ис, уый ацæргæ адæм æмæ ахуыргæндтæй хуыздæр ничи зоны. Фæлæ, куыд фæзæгъынц, рæстæг алцыдæр йæ бынаты æвæры. Афтæ 2019 азы бæлвырд организацитæ сног кодтой ацы бæрæгбон. Бæрæг æй кæнынц ацы аз дæр.
Бæрæгбоныл æмæ йæ рæстмæ куыд кæнын хъæуы, ууыл аныхас кодтам «Иры Стыр Ныхас»-ы сæрдары хæдивæг Туаты Руслан æмæ æхсæнадон архайæг Касаты Аслæнбегимæ.

Другие выпуски
Вечерняя смена

Сæлбиты Алан. Информацион технологитæ æмæ бастдзинады куыстуаты хатдзæгтæ. «Хуыздæр социалон проект-2020»

Афæдзы кæрон алы куыстуат дæр кæны хатдзæгтæ. Сæ къухты афæдзмæ цы бантыст, уый; цавæр ног зонындзинæдтæ райстой кусджытæ, стæй республикæйы цæрджытыл сæ архайд куыд фæзынд? Мæнмæ гæсгæ, нæ уазæг вæййы раззагдæрты `хсæн. Уæвгæ дзы йæ куыст дæр афтæ домы. Алыхуызон форумтæ, конференцитæ, конкурстæ – информацион технологитæ æмæ бастдзинады къабазы бирæ сусæгдзинæдтæ ис. Бæлвырддæр нын уый тыххæй радзурдзæн нæ уазæг – Сæлбиты Алан.
«Хуыздæр социалон проект-2020». Афтæ хуыйны, æрæджы хатдзæгтæ цы конкурсæн скодтой, уый. Не `мзæххонтæ дзы архайдтой 27 адæймагæй. Уыдонæй 7 амалхъом адæймаджы систы уæлахиздзаутæ. Уыдон сæ зонындзинæдтæ равдисдзысты Мæскуыйы. Конкурсæн йæ сæйраг нысан цæй мидæг ис, стæй дзы не `мзæххонтæ сæхи куыд равдыстой? Уый тыххæй бæлвырддæр æрныхас кодтам нæ уазджытимæ.

выпуск от 10.12.2020