Ног аз æрбахæццæ кæны. Фæнды нæ аныхас кæнын, ацы аз хордзинæдтæ бакæнын кæй бон баци, ахæм адæймæгтимæ. Уæвгæ, уыдонæй уæ иу къордимæ абон базонгæ кæндзыстæм. Сæ къордыл ном сæвæрдтой «Братское сердце», зæгъгæ. Бархионтæ æххуыс кæнынц бирæсывæллонджын бинонтæн, зындзинад чи баййæфта, ахæм адæймæгтæн. Ныридæгæн уал сын бантыст фæлхасадон продукттæ байуарн Дзæуджыхъæуы, Дигорайы æмæ æндæр районты. Куыд зæгъынц, афтæмæй сæ фидæны фæнды Уæрæсей стыр горттæм дæр ацæуын. Цы разæнгард кæны æрыгон фæсивæды ахæм хъуыддæгтæм? Уый тыххæй сын сæхи бафæрсдзынæн. Не студийы сты бархионтæ Цопанаты Хъазыбег æмæ Дзбойты Алан.
Хъæддаг сырдтæн баххуыс кæнын кæй фæнды, ахæм адæймæгты зонут? Кæмæндæр йæ базырмæ базилын фæхъуы, кæйдæр йæ къæхтыл слæууын кæнын. Уыцы хъуыддæгтæм нæ уазæг зивæг нæ кæны. Фæнды ма йæ, сырдты дзæбæх кæм кæндзæн, ахæм сæрмагонд хæдзар дæр саразын. Уымæн хъæуы 300 мин сомы. Адæмы фæрцы уал ныридæгæн арæмбырд кодта 40 мины. Уæвгæ, Ирыстойнæг зоолæг йæ цард снывонд кодта сырдтæн. Æрæджы та уыди, 2018 азы цы фыранк фесæфд, уый фæд ссæрыны экспиицийы. Ног азы размæ мæ фæндыдаид аныхас кæнын, æрдз кæнæ адæмæн хорздзинад кæй зæрдæ зæгъы, ахæм адæмимæ, мæ уазæг Цæгат Ирыстоны æрдзон фæдзæхст бынаты нæукон кусæг Дзуццаты Зауырбег.
