Авиаклуб, æнæуаг дзыхæй дзурынимæ тох æмæ «фæсарæйнаг» ирон

Парашютистты бонимæ бабастам нæ равдысты фыццаг темæ. Куыд зонут, афтæмæй Дзæуджыхъæуы рагæй дæр ис авиацион клуб. Cæ чысыл хæдтæхджытæ æмæ планертæ сын чи нæ федта, ахæм адæймаг зынтæй разындзæн. Ныры дуджы куыд архайынц æмæ сæ размæ цы хæстæ сæвæрынц, уымæй клубы разамынды бафарстам. Не `ргом ма аздæхтам, Дзæуджыхъæуы æмæ республикæйы иннæ цæрæнбынæтты алы кары адæм æнæуаг дзыхæй дзурынмæ æгæр æмхиц кæй сты, ууыл. Цæмæн ивы адæймаджы дзырдуатон сконд? Цæуылнæ ис зæгъæн исты хъуыдыйæн æнæ æвзæр ныхасæй? Стæй цæмæн «сахуыр» стæм уыцы фæзындыл? Æвзарæм æй, дзурын йæ куыст кæмæн у, ахæм бæрнон адæмимæ. Зæрдиагæй бацин кодтам уæдæ нæ иннæ уазæгыл дæр. Кæд Ирыстоны райгуырд, уæддæр ныртæккæ цæры дард Финляндийы. Æмæ, йæхи загъдау, йæ фыдыуæзæгæй цас дарддæр вæййы, уыйас æй уарзгæ та фылдæр кæны. Не сфæлдыстадон къорд уыцы ахаст банкъардта. Табуафси, сымах дæр æм бакæсут.