25-æм мартъийы æппæт Уæрæсейы дæр бæрæг кæндзысты  культурæйы кусæджы бон. Культурæ адæмы кæрæдзиуыл бæтты, æнгомдæр сæ кæны æмæ зæрдæты рухс тауы. Нæ чысыл Ирыстонæн та йæ культурон æгъдæуттæ рагæй дæр хъæздыг æмæ алывæрсыг сты. Фидæны фæлтæртæн сæ бахъахъхъæнæн куыд ис, уый тыххæй дзурæм нæ равдысты.

Не `ппæт дæр зонæм, фын ахсджиаг кæй у, уый. Хорз бафынæй кæныны хъуыддаг та пайда у æппæт организмæн дæр. Уæдæ фынтæн ис сæрмагонд нысан. Æмæ æппæт уыдæттыл ныхас кæнæм равдыст «Æмбалджынтæ»-йы.

Алы сылгоймаг дæр дидинæгæй уæлдай нæу: цас ыл фылдæр узæлай, уыйбæрц аивдæр æмæ хæрзуынддæр кæны. Уæдæ цавæр у рæсугъд сылгоймаг? Уый иртасæм нæ равдыст «Æмбалджынтæ»-йы.

Чырыстæттæн райдыдта урсы къуыри. Ирон адæм та бæрæг кæнынц цæрвкъахæнтæ. Ацы бæрæгбæттæн иу нысан ис, æви алыхуызон сты, уый æвзарæм нæ программæйы. Равдисдзыстæм уын лауызты хуыздæр рецепт дæр.

Бон дæргъвæтиндæр кæны, уæлдæфы температурæ — хъармдæр, зæрдæйы ахаст та — хуыздæр. Уæдæ зымæгæн «фæндараст» зæгъæн куыд ис? Уалдзæгмæ та хи куыд хуыздæр ис бацæттæ кæнæн? Ууыл дзурæм нæ программæйы. 

Афтæ фæзæгъынц, фæндагыл адæймаг йæ фæллад суадзы, йæ нервытæ æрсабыр кæны. Уæдæ цымæ Ирыстоны фæндæгтыл фылдæр удæнцой райсæм? Ӕви мӕстджын свӕййӕм? Базилинаг фæндæгтæ нæм фылдæр ис æви лæгъз фæндæгтæ? Стæй бæлццæттæ фæндаг цæй тыххæй уарзынц æмæ арæхдæр цæуыл фæцæуынц? Æппæт уыдæттыл ныхас кодтам «Æмбалджынты».

Алы адæймаг дæр йæ сӕнтты ныв кæны йæ бæллицты хæдзар. Иутæ хуымæтæг æмæ гыццыл фатер равзарынц, иннæтæ та — уæрæх æмæ уындджын мæсгуытæ. Фæлæ цавæрфæнды куы уа, уæддæр дзы сæйрагдæр хъармдзинад бауадзын у. Куыд? Ууыл ныхас кодтам ацы равдысты.

Ныры дуг æнæ техникон фӕрӕзтӕй кæй нæ фидауы, уый бæлвырд у. Кӕцытӕ сӕ сты ахадгӕ абоны царды? Куыд сæ хъæуы пайда кæнын? Фылдæр зиан æви пайда хæссынц? Ацы æмæ æндæр фӕрстытæн дзуаппытӕ радтой нæ студийы уазджытæ. Уымæй уæлдай ма базыдтам, социалон хызæгты тыххæй психолог æмæ блогеры цæстæнгастӕ куыд хицæн кæнынц, уый дæр.

Æнæ донæй нæ зайынц зайæгойтæ, сæ бон кусын нæу фабриктæн æмæ заводтæн. Дон зилын кæны электростанцæты турбинæтæ, йæ фæрцы схъарм вæййынц хæдзæрттæ. Уæдæ адæймаг та, зæгъынц, йæ царды хъуамæ 35 тоннæйы баназа дон. Иудзырдӕй, стыр ахадындзинад ис донæн. Уый тыххæй — нæ абоны эфир.

Æхсырæй конд продукттæй адæмæн æппæты уарзондæр у цыхт. Йæ хуызтæ цал сты, уый зын банымайæн у, фæлæ цæмæй хицæн кæнынц, уый раиртæстам.