Сфæлдыстадон цæхæр кæмæ фæхæццæ, ахæм адæймæгтæ нын абæрæг кодтой нæ телехъазт «Зæгъ æй!» Нæ уазджытæ уыдысты бинонтæ Гæлæуты Аслæнбег æмæ Лацойты Зитæ. Мадæлон æвзагыл кусгæйæ, æвæццæгæн, хъуыды дæр никуы акодтой, æмæ сын мах искæд фæлварæн сараздзыстæм. Фæлæ сыл нæ цæст æрхæцыд, чысыл фæстæдæр та сæ студимæ æрбахуыдтам. Цы рауад нæ фембæлдæй, уый уын равдисдзыстæм.

Мадӕлон ӕвзаг мады ад кӕмӕн кӕны, уыдон систы нӕ радон телехъазт «Зӕгъ ӕй!»-ы архайджытӕ. Ӕрвылбоны царды сӕ хаттӕй-хатт бахъӕуа кӕрӕдзийы фарсмӕ кусын. Мах студийы та ӕрлӕууыдысты кӕрӕдзийы ныхмӕ. Чи за разынд ӕвзыгъддӕр, уый базондзыстут.

Фæсивæдæн – фæндаг! Ууыл хъуыдыгæнгæйæ, мах нæ радон зонадон телехъазт «Зæгъ æй!»-мæ æрбахуыдтам скъоладзауты. Фыццаг хатт нæм уыдысты ахæм кары адæм. Саккаг нæм кодтой раст Хуымæллæгæй. Сæ разамонджыты ныхæстæм гæсгæ, тынг зæрдæргъæвд фæсивæд сты. Мах сæ мадæлон æвзагыл дзурынæй бавзæрстам. Цы рауад нæ фембæлдæй, уый та уын хæссæм уæ размæ. Кæй ма бафæнда нæ телехъазты архайын, уый та нæм дзурæд мæнæ ацы номырмæ: 72-28-82.

Хъæлдзæг зæрдæйы ахаст æмæ ног зонындзинæдтæм кæд æмхиц дæ, уæд саккаг кæн нæ телекомпанийы равдыст «Зæгъ æй!»-мæ. Раст мæнæ Кокойты Эльбрус æмæ Гуыссауты Маринæ куыд бакодтой, афтæ. Фыццаг нæ уæндыдысты, фæлæ куы стынг сты, уæд та сæ студийæ фæстæмæ нал фæндыд рацæуын. Æмæ уыцы `нкъарæнтæ бавзарыны бар ис алкæмæн дæр. Æрмæстдæр нын уæ фæнд бамбарын кæнут. Нæ телефон: 72-28-82.

Æфсымæр хойæн ныфс у, хо дæр уæдæ æфсымæрмæ уæлдай хъæрмуд зæрдæ дары. Ничи дызæрдыг кæны ууыл. Мах бавдæлдыстæм, æмæ сæ ацы хатт ерысгæнджытæ сарæзтам. Бестауты Георгий æмæ Майæ уыдысты нæ телепроект «Зæгъ æй!»-йы уазджытæ. Сæ зонындзинæдтæ æвдыстой, мадæлон æвзагыл куыд дзурынц æмæ йæ куыд зонынц, уымæй. Сымахæн дæр сæм бакæсыны фадат ис. Гъемæ, табуафси!

Мадӕлон ӕвзаг — хъазгӕ-худгӕйӕ! Нӕ радон «Зӕгъ ӕй!» та цӕттӕ у ӕмӕ уын ӕй ӕвдисӕм. Ӕнӕнхъӕлӕджы фӕлтӕрӕнтӕ ӕмӕ хъӕлдзӕг ӕнкъарӕнтӕй ӕххӕст рауад нӕ фембӕлд. Лӕвар сӕ кӕнӕм сымахӕн дӕр. Бавзарут уӕхи мадӕлон ӕвзагӕй!

Ацы хатт нӕ программӕ «Зӕгъ ӕй!»-йы архайджытӕ сты хистӕр фӕлтӕры минӕвӕрттӕ. Сӕ мадӕлон ӕвзагӕй сӕ мондӕгтӕ кӕй исынц, уый бӕрӕг уыд. Нӕ телехъазт нын саив кодтой. Дӕсны разындысты ӕвзаджы сусӕгдзинӕдтӕм. Бӕргӕ, уӕлахиздзауы куы сбӕрӕг кодтаиккам, фӕлӕ нӕ тӕрхонгӕнӕг рахаста ӕнӕнхъӕлӕджы уынаффӕ! Базондзыстут ӕй.

Мадӕлон ӕвзаджы ӕвӕрӕнтӕй та уын уӕ размӕ хӕссӕм нӕ телехъазт «Зӕгъ ӕй!»-йы фӕрцы. Нӕ уазджытӕ сӕ фӕлварӕнты тыххӕй ӕппындӕр ницы зыдтой. Фӕлӕ сӕм куыд зӕрдиагӕй бавнӕлдтой, уый уындзыстут. Программӕйы архайӕг суӕвын кӕй фӕнды, уымӕн дӕр ахӕм фадат ис. Цы телефоны номыр равдисӕм, уымӕ-иу бадзурут ӕмӕ-иу уӕ фӕнд бамбарын кӕнут.

Нæ фембæлд та ацæттæ æмæ та уӕ зæрдиагæй хонӕм экрантӕм. Цы зæгъæм æмæ цы равдисæм, уый ис. Нӕ зонадон телехъазт «Зӕгъ ӕй»-мӕ ацы хатт ӕрбацыдысты ӕфсымӕр ӕмӕ хо. Иумӕ сарӕзтам мадæлон æвзаджы бæрæгбон. Куыд нын бантыст, уый уын ӕвдисӕм.

Нӕ фембӕлдмӕ чи ‘нхъӕлмӕ каст, уыдоны зӕрдӕтӕ та ногӕй барухс кӕндзыстӕм нӕ зонадон телехъазт «Зӕгъ ӕй!»-ы фӕрцы. Абӕрӕг нӕ кодтой мадӕлон ӕвзагыл ӕнувыд адӕймӕгтӕ. Куыд загътой, афтӕмӕй бирӕ ног цыдӕртӕ базыдтой ӕвзаджы сусӕгдзинӕдтӕй. Уыцы фадат дӕттӕм сымахӕн дӕр.