Адæймаджы хъысмæт æрмæст тырнындзинад, удуæлдай фæллой æмæ куыстуарзаг зæрдæйæ аразгæ нæу, фæлæ ма нæмтты, нымæцты æмæ фынты нысантæй дæр. Афтæ хъуыды кæнынц равдыст «Æмбалджынтæ»-йы уазджытæ.

Сæрд — фæлладуадзæн рæстæг у! Адæймаг байдзаг вæййы тых æмæ хъаруйæ, йæ размæ сæвæры ног нысантæ. Цымæ Ирыстоны та цавæр хиирхæфсæн мадзæлттæ ис, — уый нын радзырдтой равдыст «Æмбалджынтæ»-йы уазджытæ.

Хетæджы бонæй къуыри фæстæдæр ирон адæм фæбæрæг кæнынц кæхцгæнæнтæ. Фæкувынц, афæдзы дæргъы чи райгуырди, уыцы лæппутæн. Фæкæнынц ма нæм сой-сойгæнæн къуыри. Цы нысан ис уымæн та? Нæ равдысты базыдтам æппæт уыцы хабæртты тыххæй.

Сæрд йæ тæмæны бацыд. Хур сырхуадул фæткъуыты æмæ балты йæ хъæбысы бакодта. Цæттæ кæнынц халсартæ æмæ дыргътæ. Тæвд бонты та адæймаджы ахæм рог æмæ адджын хæринаг фервæзын кæны. Бирæтæ сæрд æрмæст йæ бæркады тыххæй дæр уарзынц. Æмæ ууыл дзурæм нæ программæйы.

Чырыстон къалиндармæ гæсгæ, 8 июлы фæмысынц бинонтыл аудæг сыгъдæг Петр æмæ Февронияйы. Цардысты 13 æнусы, æмæ сæ уæдæй абонмæ дæнцæгæн хæссынц кæрæдзимæ сæ фидар ахастдзинады тыххæй. Цымæ нæ дуджы та куыд ис бинонты амонд бахъахъхъæнæн? Ууыл дзурынц «Æмбалджынтæ»-йы уазджытæ.

Æвæццæгæн, алы адæймаг дæр йæ æвзонджы азтæ нымайы царды ирддæр æмæ хуыздæр афоныл. Фæлæ æрыгондзинад канд бæллицты рæстæг нæу, фæлæ ма адæймаджы рæзты афон дæр. Цæмæ тырнынц нæ фæсивæд æмæ цæимæ баст сты сæ хъуыдытæ? Уый иртасæм равдыст «Æмбалджынтæ»-йы.

Рояль, баян, фæндыр, домбрæ, контрабас, гитарæ. Музыкалон инструменттæ тынг бирæ сты. Сæ зæлтæ аивадуарзджытæн рæсугъд æнкъарæнтæ балæвар кæнынц. Раст уымæн равдыст «Æмбалджынтæ»-йы архайджытæ абоны эфир снывонд кодтой сæрмагондæй национ уадынгæрзтæн.

Фæлладуадзæн бонты рæстæг æрхæццæ, æмæ ныййарджытæ архайдзысты сæ цоты рæстæг æнтыстджынæй арвитынæн мадзæлттæ аразынæн. Кæм æмæ цы хуызы, уый та раргом кодтой равдыст «Æмбалджынтæ»-йы уазджытæ.

Ирон адæмæн бирæ хорз æгъдæуттæ баззад нæ фыдæлтæй. Уыцы хæзнатæй иу у æмбалдзинад. Уымæн æмæ æмбæлтты фарнæй хох дæр нæры, уыдоны фарсмæ амонд цæры. Уæдæ равдыст «Æмбалджынтæ»-йы базыдтам, нæ абоны царды æцæг æмбал ссарын зын у æви нæ, уый?

Музыкæ у культурæйы ахсджиаг хай. Йæ фæрцы раргом вæййы алы адæмыхæттыты царды фæтк æмæ æгъдау. Фæлæ бирæ хорз зарджытæ аззадысты рохуаты. Уыимæ та зарæггæнджытæ дæр. Нæ равдысты сæ æрымысыдыстæм æмæ раиртæстам, нæ дуджы сын бынат ис, æви нæ, уый.