Алчидæр нæ ацы царды бæллон у. Куыд философон хъуыдытæм гæсгæ, афтæ æрвылбоны царды дæр. Æрвылбон та иууылдæр фæндæгтыл цæуæм: чи хи машинæйыл, чи фистæгæй, чи та æхсæнадон транспортæй пайда кæны. Ам та дзуринæгтæ бирæ… Уæвгæ, æхсæнадон транспорты куысты куыд хуыздæрырдæм ивддзинæдтæ цæуы, афтæ æппæрццаг фæзындтæ дæр ис. Уымæ гæсгæ абон нæ ныхас уыдзæн бæллæттæласæн лæггæдтыл. Бæлвырддæр зæгъгæйæ та, маршрутон такситыл æмæ автобустыл.
Хицæн ныхасы аккаг сты æхсæнадон транспорты шофыртæ æмæ сæ машинæты уавæр… Мæнмæ гæсгæ, нæ алкæмæ дæр сæ куыстмæ фиппаинæгтæ ис. Чи нæ æмæ цæуыл ласы? Уæвгæ, зындзинæдтæ цыфæнды куысты дæр ис. Фæлæ бирæты сæ машинæ ныхсын æмæ адæмæн схуыст маст ныхас ма кæнын, — уый дæр паддзахадæй аразгæ у? Бæлццæттæласæн лæггæдты афтæ бирæ аиппытæ цæмæн ис, ууыл ныхас кæндзыстæм нæ радон программæйы.
Абон не студийы уазджытæ сты: хистæрты номæй Гæлиты Клим, кæстæрты номæй — Суанты Ацæмæз.
