Царциаты таурæгътæ схонын ис Нарты кадджыты райдианыл, уымæн æмæ царциатæ уыдысты уыдонæй рагондæр.
Ирыстоны хæхбæсты, цæгатæй хуссармæ, æппæт кæмтты дæр ис царциатимæ баст бирæ бынæттæ. Сæ ингæнты разындысты æнæхъæн дунейыл хъуыстгонд бронзæйы дуджы хæзнатæ.
Царциатæн сæ ном мин азты дæргъы цæры, фæлæ чи уыдысты, уый абоны онг бæлвырд ничи зоны. Нæ рагон фыдæлтæн сæ историон фæндæгтæ æмæ сæ ныстуантæ сбæрæг кæныныл ныр 10 азæй фылдæр архайы Биазырты Аслæнбег.