Фæут та ацы къорд рæстæджы нæ телехъазт «Зæгъ æй!»-йы фысымтæ. Бацархайдзыстæм, цæмæй уын уæ изæр саив кæнæм рæсугъд æнкъарæнтæй. Алцӕмӕй дӕр ӕххӕст стӕм. Нæ уазджытæ дæр уæдæ цæттæ сты. Ацы хатт дæр та нын сты, йæ ныхасæй ӕмӕ йæ зæрдæйы уагæй дæр æххæст ирон чи у, ахæмтæ.

Нæ радон равдыст «Зæгъ æй!» ацæттæ æмæ та уын æй æвдисæм! Ацы хатт нӕм чи ‘рбацыд, уыдоны агурын нæ бахъуыд. Сæхæдæг нæ бацагуырдтой! Тынг æнувыд, дам, стæм уæ равдыстыл, зæгъгæ. Бафæндыд сæ йæ архайджыты бынат бацахсын. Мах дæр сын сæ фæндыл дыууæ нал загътам æмæ сæ нæ студимæ æрбахуыдтам. Сты хæлæрттæ, хæстæджытæ, фæлæ нæ телехъазты фæзы та æрлæууыдысты кæрæдзийы ныхмæ. Чи сæ разынд æвзыгъддæр ирон æвзагмæ, уымæ-иу бакæсут!

Уалдзæджы ралæуды фидиуæг хонæм нæ радон телехъазт «Зæгъ æй!» Ацæттæ нын ис æмæ йæ уæ размæ хæссæм. Ныронг уын кæй æвдыстам, уыдонæй хицæн кæны иу хъуыддагæй. Йæ архайджытæй иу у, студимæ йæхи кæмæн бафæндыд æрбацæуын, ахæм адæймаг. Уый та ууыл дзурæг у, æмæ ныл адæм раздæрау æнувыд сты. Махæн уый у зæрдæлæууæн хъуыддаг æмæ ноджы разæнгарддæрæй кусыны хъомыс. Бакæсут та равдыстмæ, уæ зæрдæтæ барухс уыдзысты!

Цы ма уа хуыздæр фæлладуадзæн изæр хъæлдзæг æнкъарæнтæй саив кæнынæй. Уымæ гæсгæ та уæ ногæй хонæм нæ радон равдыст «Зæгъ æй!» фенынмæ. Ацы хатт й` архайджытæ сты, ирон æвзагмæ бар дæм кæм нæ дарынц, царды ахæм къабæзтæй. Фæлæ сæ удтæ ирон кæй сты, уый тыххæй сæ æрбахуыдтам нæ телехъазты фæзмæ. Æмæ уæ бауырнæд, сæхи дзы равдыстой аккагæй. Уæвгæ, сæдæ хатты фехъусынæй иу хатт фенын хуыздæр у. Уымæ гæсгæ нын нæ программæйæ уæхи ма фæцух кæнут!

Нӕ радон фембӕлд ацӕттӕ ӕмӕ уӕ хонӕм равдыст «Зӕгъ ӕй!» фенынмӕ. Нӕ уазджытӕ сты фӕсивӕды минӕвӕрттӕ Гӕлӕбаты Мурат ӕмӕ Хӕуытаты Ритӕ. Ӕхсӕнадон царды сӕ арӕх бахъӕуы иронау дзурын. Фӕлӕ нӕ студийы та куыд сарӕхсдзысты, цымӕ? Равдыстмӕ куы бакӕсай, уӕд дзуапп дӕр базондзынӕ.

Уӕдӕ куыд хъӕлдзӕг фӕсивӕд сты, уый дӕр фендзыстут!

Ног азы не сфӕлдыстадон къорд сымахимӕ ӕмбӕлы фыццаг хатт! Ӕхсызгонӕй уын арфӕ кӕнӕм бӕрӕгбоны фӕдыл! Ӕнӕниз ӕмӕ амондджын ут, уӕ зӕрдӕтӕ барухс кӕныны хӕс та мах исӕм нӕхимӕ. Нӕ фыццаг равдысты нысан дӕр уый у. Бакӕсут ӕм, ӕмӕ канд хъӕлдзӕг нӕ уыдзыстут, фӕлӕ ма мадӕлон ӕвзаджы сусӕгдзинӕдтӕ дӕр базондзыстут.

Нӕ радон фембӕлд та ацӕттӕ. Хонӕм та уӕ нӕ телехъазт «Зӕгъ ӕй!» фенынмӕ. Цы фӕтк ныффидар кодтам, ууыл нӕ къух нӕ систам ныр дӕр: хъӕлдзӕг ӕнкъарӕнтӕ ӕмӕ уын ног зонындзинӕдтӕй зӕрдӕ ‘вӕрӕм. Нӕ хъазты архайджытӕ дӕр ӕнувыд сты мадӕлон ӕвзагыл.

Нæ телехъазты фæзмæ ацы хатт æрбахуыдтам дохтырты. Фæнды нæ, цæмæй сæ зæрдæтæ иучысыл барухс уой. Куыд зонут, афтæмæй ныр дыууæ азы тох кæнынц уæззау низимæ, сæхи æнæниздзинадыл нæ ауæрдынц, афтæмæй. Фæлæ цард алыхуызон ахорæнтæй фидауы. Уæдæ йын бауромæн дæр нæй. Нæ уазджыты мах бафæлвæрдтам ирон æвзагæй. Æмæ нæм куыд фæкаст, афтæмæй ахæм сфæлдыстадон ерыс сæхи зæрдæмæ дæр фæцыд.

Хонӕм та уӕ нӕ хъӕлдзӕг телехъазт «Зӕгъ ӕй!»-мӕ бакӕсынмӕ. Уӕ изӕр уын саив кӕндзыстӕм рухс ӕнкъарӕнтӕй. Нӕ уазджытӕ сты аивады кусджытӕ. Канд сӕ дӕсныйадыл ӕнувыд не сты, фӕлӕ ма мадӕлон ӕвзагыл дӕр. Уӕдӕ сын се ‘ргом ӕмӕ хъӕлдзӕг зӕрдӕйы ахаст дӕр фендзыстут. Табуафси, бакӕсут сӕм!