Беслæны рæзты пъланмæ цы мадзæлттæ хауынц, уыдонæй ахсджиагдæртæй иу у фæндæгтæм бындуронæй базилыны хъуыддаг. Куыстытæ къуылымпы æййафынц, æви алцы цæуы æмгъуыдмæ гæсгæ? «Донбассы сывæллæттæн – чингуытæ». Æппæтуæрæсеон акцийы Ирыстоны районтæй фыццагдæр чи бацархайдтой, уыдон сты Рахизфарсы районы библиотекæтæ. Цæуыл ахуыр кæны конкурс «Живая классика» хъæууон фæсивæды? Октябрьскæйыхъæуы «Хъæбатыры партæ» цæмæн сæвæрдтой? Æмæ цавæр æхсызгон цауыл сæмбæлдысты Хуымæллæджы фæсивæд? Æппæт уыдæттыл дзурæм нæ программæйы.

Санкциты аххосæй цæлхдуртимæ æмбæлын райдыдтой хъæуты цæрджытæ дæр. Уавæр фæбæрæг районты дуканитæ æмæ афтектыл. Æнæзакъонæй æргътыл чи схæцыди, уыдоныл кæдæм бахъаст кæнæн ис, уый иртасæм нæ программæйы. Ныхас ма кæнæм, Фыдыбæстæйы Стыр хæсты салдæтты нæмттæ сæнусон кæныныл. Уый тыххæй алы районы дæр кусы сæрмагонд хайад.

Нæ республикæйы æрыгондæр хъæутæй иу у Иран. Хъæуккæгтæ дзы цы ногдзинæдтæм æнхъæлмæ кæсынц, уый тыххæй нын радзурдзысты нæ студийы. Базондзыстæм, боныхъæды аххосæй Алагиры районы хæххон хъæуты цæрджытæ куыд сты, уый дæр. Стæй бæстон æрныхас кæндзыстæм, федералон проект «Студентон стартап» хъæууон фæсивæдыл куыд сахаддзæн, ууыл.

Нæ республикæйы æрыгон бинонтæн цæрæнуæттæ балхæныны тыххæй радтой субсидитæ. Ахæм фадат фæци æппæт районты минæвæрттæн дæр. Алагирмæ бацæуæн тагъд саив уыдзæн ног конструкцийæ. Джызæлы кæстæртæ та иртасынц сæ фыдæлты истори. Æппæт уыдæттыл дзурæм нæ программæйы.

Æрыгæттæ сты фидæн аразджытæ. Ууыл фæстаг рæстæг фылдæр дзурын райдыдтой. Фæлæ йæ уынæм: хъæутæ æнæ фæсивæдæй, æнæ кæстæртæй афтид æмæ æдзæллаг кæнынц. Уымæн бирæ æвдисæнтæ ис Уæрæсейы, стæй нæ республикæйы дæр. Уæдæ куыд архайæм фæсивæды хъæуты бауромыныл? Ууыл ныхас кæнæм нæ программæйы.

Нæ программæ «Комæй коммæ» ногæй эфирмæ цæуын райдыдта. Иучысыл æй рацарæзтам, фæлæ йæ хæстæ æнæивгæйæ баззадысты — адæмы цы тыхсын кæны, ууыл дзурын, сæ фæрстытæн сын дзуаппытæ агурын. Уый тыххæй ныр бæрнон адæймæгтæ æмæ хъæуты цæрджытæ кæрæдзимæ фæхæстæгдæр уыдзысты. Ацы хатт уал нæ хъус æрдардтам Дыгуры районмæ. Бынæттон хъæутæй иу, Дур-Дурæн æрæджы равзæрстой ног хицауы. Цæмæ `нхъæлмæ кæсынц адæм Хъодзасты Николайы куыстæй, цы сты, æппæты фыццаг йæ ных цæмæ сараздзæн, уыцы хъуыддæгтæ? Стæй куыд архайдзæн районы администраци хъæуы цæрджыты курдиæттæ æвæгæсæгæй ма ныууадзыныл? Уыдæттыл комкоммæ эфиры ныхас кодтам нæ студийы уазджытимæ.

Æртæ азы размæ нæ программæйы сæмбæлдыстæм Дæргъæвсы администрацийы минæвæрттимæ. Уæд дзырдтам, Дæргъæвсмæ цы хъæутæ хауынц, уым фæндæгтæ, уынгты рухс æмæ газ кæй нæй, ууыл. Абон уавæр куыд аивта, уый иртасæм нæ студийы.

Мæй размæ Ирыстоныл апарахат ис хъусынгæнинаг, Алагиры районы цалдæр хъæуы афтектæ кæй сæхгæдтой, уый тыххæй. Хостæ уæйгæнæг куыстуæттæ хъуаг сты иннæ районты дæр. Цæмæн бахъуыди афтектæ сæхгæнын, адæмæн баххуыс кæнæн цæмæй ис æмæ хъæуккæгтæ хостæ кæм хъуамæ æлхæной? Уый тыххæй дзурæм нæ программæйы.

Дзæуджыхъæуæй 20 километры фалдæр ивгъуыд æнусы 21-æм азы æрбынат кодта Ногир. Уæд дзы цалдæр хæдзары йедтæмæ нæ уыд. Уый ныртæккæ у нымад нæ республикæйы стырдæр хъæуыл, йæ уынгтæ та сты иууыл даргъвæтиндæр. Уæдæ куыд сбæрæг кæндзæн Ногир йæ 100 азы юбилей? Хъæуккæгтæ цавæр ивддзинæдтыл цин кæнынц, æмæ разы цæмæй не сты?

Хъæуты æмæ хъæуккæгты цард равдисынæн, сæ риссаг фарстытыл æрдзурыныл æмæ сын баххуыс кæныны охыл арæзт у нæ программæ. Абон не ‘ргом аздæхтам Рахизфарсы районы Бруты хъæумæ.