11 октябры Ирыстоны цæрджытæ сбæрæг кодтой Дзæуджыхъæуы бон. Нæ райдзаст, уарзон горæты равзæрдыл сæххæст ис 236 азы. Йæ зæронд аив уынгтæ йын иу хатт чи федта, Терчы абухгæ доны сæр-сæр иу хатт чи фехъуыста, уымæн йæ зæрдæйæ Дзæуджыхъæуы нывтæ нал фæхицæн уыдзысты. 2007 азы та нæ горæт хæссын райдыдта Хæстон намысы горæты ном. Уæдæ куыд сæмбæлдысты нæ республикæйы цæрджытæ бæрæгбоныл? Цы зæрдæйы уагимæ арвыстой уыцы бон? Уый тыххæй бæлвырддæр радзурдзысты нæ студийы уазджытæ: Æбиты Валерий — Дзуджыхъæуы базарадон-экономикон коледджы сæргълæууæг æмæ Кочиты Георгий — нæ республикæйы Хæлардзинады Хæдзары сæргълæууæг.
2 азы размæ Ирыстоны кæстæртæн йæ дуæрттæ байгом кодта сывæллæтты технопарк «Кванториум». Архайыны фадат дзы ис 5-11-æм кълæсты ахуырдзаутæн. Зæрдиагæй архайынц æви нæ? Дыууæ азмæ куыд аивтой чызджыты æмæ лæппуты зонындзинæдтæ? Фарстытæн та дзуаппытæ ратдзысты нæ уазджытæ: Берозты Артур — сывæллæтты технопарк «Кванториум-15»-ы инженерон хайады разамонæг æмæ Джусойты Алинæ — сывæллæтты технопарк «Кванториум -15»-ы инженерон хайады ахуырдзау.