Коронавирусæй чысыл суæгъд стæм, фæлæ уавæр бынтон хорз нæма у. Рынчындæтты чысылгай фылдæр кæнынц, низ кæмæ сбæрæг кодтой, уыдон. Дохтыртæ уавæр æмбарынц æмæ сæхи цæттæйæ дарынц. Цыфæнды эпидемийы рæстæг дæр уæз уыдоныл æрцæуы.
Медицинон кусджытæн, сæ фылдæр хайы æнæзæрдæхудт куысты тыххæй, нæ республикæйы сæргълæууæг æрæмбырд кодта Ирыстоны дохтырты æмæ сын кадджын уавæры арфæ ракодта. Хицæн ныхæстæ ссардта, пандемийæйы рæстæг рынчындæтты сырх зонæйы чи фæллой кодта, уыцы студенттæн дæр. Не студимæ æрбахуыдтам уыцы фæсивæдæй цалдæры.