Æнхъæлмæ нæм кастыстут? Гъемæ, хорз! Мах дæр уæ уæдæ фыдæнхъæл нæ кæнæм. Нæ радон телевизион хъазт «Дæ дзыхыл МА хæц!» та цæттæ у. Ацы хатт йæ архайджытæ сты Къораты Жаннæ æмæ Чихауиты Георгий. Æвæджиауы хæрзæгъдау фæсивæд! Сæ мадæлон æвзагыл æнувыд кæй сты, уый сæ нæ студийы къæсæрмæ `рбахуыдта. Мах сыл зæрдиагæй сæмбæлдыстæм. Нæ хъæлдзæг изæрæй нæхæдæг дæр разыйæ баззадыстæм. Хонæм уæ, цæмæй йæм сымах дæр бакæсат!

Ногæй та уæм æнхъæлмæ кæсæм нæ хъæлдзæг телехъазт «Дæ дзыхыл МА хæц!»-ы фæзыл. Ацы хатт сæ тыхтæ ирон æвзагæй бавзардзысты Абайты Иринæ æмæ Гæгкуыты Георгий. Сæ размæ сын бынтон æнцон хæслæвæрдтæ нæ рахастам. Фæлæ сыл хъазгæ-худгæйæ фæтых сты. Бакæсут равдыстмæ. Афтæмæй сымах дæр уæ изæр рæсугъд æнкъарæнтæй саив кæндзыстут! Табуафси!

Мах æхсызгонæй æнхъæлмæ кастыстæм нæ фембæлдмæ.

Журналист æви зарæггæнæг? Чи фæуæлахиз уыдзæн нæ радон телевизион хъазт «Дæ дзыхыл МА хæц!»-ы?

Чи сæрæндæр æмæ æвзыгъддæр уыдзæн ирон æвзаг зонынæй, уый рабæрæг кæнынæн нæ телехъазт «Дæ дзыхыл МА хæц!» хорз ахъаз у.

Ацы хатт нæ уазджытæ сты Хекъилаты Мирæ æмæ Цæриаты Валерий.

Нæй! Нæй æппындæр дзыхыл хæцæн нæ хъæлдзæг телевизион хъазты!

Сæ иу кæддæр куыста шофырæй, иннæ та суанг сæр æлвыныл дæр архайдта. Фæлæ, дам, адæймаг — фæндтæгæнæг, Хуыцау — аразæг.

Цы зонынц мадæлон æвзаджы къæбицæй та?