Цы зонынц мадæлон æвзаджы къæбицæй та?

Хонæм та уæ нæ телевизион хъазт «Дæ дзыхыл МА хæц!»-мæ бакæсынмæ. Нæ радон уазджытæ сты Ирон Академион театры актертæ Гæбуты Жаннæ æмæ Сугъаты Хъазыбег. Сæ диссаджы курдиатæй раджы балхæдтой адæмы зæрдæтæ, ирон аивадæн се `нæзæрдæхудт лæггады тыххæй алкæмæн сты уарзон. Фæлæ ма сæ мадæлон æвзаг зонынæй кæй бахсыстам, уый хъуамæ уæ зæрдæмæ фæцæуа! Саккаг кæнут уæдæ а-изæр уæ телеэкрантæм! Дзырд уын дæттæм, уæ рæстæг хъæлдзæгæй кæй арвитдзыстут.

Хуытыгаты Маринæйы дæсны фæндырдзагъд æмæ Джимиты Артуры æвзист хъæлæс чи нæ фехъуыста, Ирыстоны ахæм адæймаг нæ разындзæн.

Аивады кусджытæ мадæлон æвзагæн куыд лæггад кæнынц, уый равдисынмæ та уын цæттæ у программæ «Дæ дзыхыл МА хæц!»

Ирон академион театры артисттæ Черчесты Дианæ æмæ Къуымæллæггаты Владимир.

Сты радиойы кусджытæ, адæмы уарзон амонджытæ Лалыты Хъазыбег æмæ Налдыхъуаты Зæлинæ.

Кæд уын ирон дзырды фарн уæ тыхыл тых æфтауы, уæд та уæ хонæм нæ радон равдыст «Дæ дзыхыл МА хæц!»-мæ. Ацы хатт нæм уазæгуаты фæзындис нæ республикæйы адæмон артист, адæмы уарзон зарæггæнæг Даураты Эдуард. Йæ ныхмæ чи `рлæууыд, уый тæ нæм сæмбæлд Финляндийæ. Фæлæ уидагæй, тугæй æмæ зондæй у æцæг ирон сылгоймаг Дудайты Венерæ. Цымыдисаг хæслæвæрдты бын фæкодтам нæ уазджыты, æмæ сын сæ бакæнын куыд бантыст, уый фендзыстут.

Мадæлон æвзаджы аив зæлтæ, цыргъзонд ерыстæ æмæ та уын хъæлдзæг зæрдæйы ахастæй зæрдæ `вæры нæ телехъазт «Дæ дзыхыл МА хæц»-ы радон равдыст. Мах нæ хæсыл нымайæм, йæхи ирон чи хоны, уыдоны се `взагыл фæцалх кæнын.

Кæд уæ хъæлдзæг æнкъарæнтæ райсын фæнды, уæд та уæ ногæй хонæм программæ «Дæ дзыхыл МА хæц»-мæ бакæсынмæ! Ацы хатт нæ телекомпанийы къæсæрæй æрбакъахдзæф кодтой адæмæн уарзон артисттæ Хъуысаты Эльвирæ æмæ Дзуццаты Сослан. Сценæйыл сæхи тынг хорз æнкъарынц, æвæджиауы дæснытæ кæй сты, уый руаджы. Фæлæ-иу сын нæ телехъазты амонæг дæр сæ туг хаттæй-хатт ныллæууын кодта! Иуæй-иу хæслæвæрдтыл сæ бахъуыд бæстонæй ахъуыды кæнын. Уæвгæ, дзурынæй фенын хуыздæр у æмæ уæ ма ферох уæд! Уæ зæрдæмæ фæцæудзæн а-изæры хъæлдзæг программæ!

Мадæлон æвзаг уарзон кæмæн у, уыдонмæ та абон ногæй сидæм, цæмæй сæ дзыхтыл МА хæцой. Ахæм номимæ эфирмæ рацæуынмæ цæттæ у нæ радон программæ. Абоны архайджытæ сты æвзаджы дæснытæ. Уымæ гæсгæ сæм хъуамæ нæ амонæджы хæслæвæрдтæ æнцон фæкастаиикой. Фæлæ уæ уыцы хъуыды ма фæсайæд! Фыццаг бакастæй – æнцон, афтæмæй та сыл хъуыдис лæмбынæгæй бакусын. Уæвгæ, бакæсынæй фенын – хуыздæр! Хонæм уæ экрантæм изæры 8 сахатыл.