Нæ абоны уазæджы республикæйы иууылдæр зонынц. Йæ ном айхъуыст Уæрæсейы æмæ дунейы фтизиатрты `хсæн. Стæй æрмæст хорз дохтыр уæвыны тыххæй нæ. Цæстуарзон адæймаг дæр ма у. Йемæ чи фембæлы, уыдон æнæбафиппайгæ нæ фæвæййынц — æххуыс кæй бахъæуы, уымæн æй, æнæмæнг, нæ бавгъау кæны. Ссары, саразы, æрхъуыды кæны… Ахæм адæмуарзондзинад у хорз дохтыры миниуджытæй иу. Цавæр миниуджытæ ма йæм ис, йæ зæрдæйы арфы цавæр хъуыдытæ ис, уый мæ фæндид базонын. Нæ уазæг у Малиты Батырбег.

Ахуыргӕнджыты, фысджыты æмæ поэтты, артистты хсæн мæ абоны уазæджы ном куы айхъуысы, уæд сæ алчидæр фæлмæнæй мидбылты бахуды. Афтæ арæх нæ вæййы. Фæлæ адæймаг сыгъдæгзæрдæ æмæ цæстуарзон куы уа, иннæтæн æй исты хорздзинад скæнын куы фæнда, уæд уый алкæй зæрдæ дæр балхæндзæн. Чи у абон мæ уазæг? Хабæты Риммæ.

Мæ абоны уазæгыл адæм сæ цæст æрыгон чызг ма куы уыд, уæд æрæвæрдтой. Азтæ куыд цыдысты, афтæ йæ тæмæнтæкалгæ рæсугъддзинад æмæ сценикон дæсныйад æлхæдтой аивадуарзджыты зæрдæтæ. Афтæ ныр бирæ азты. Лæггад кæны театрæн æмæ рæвдауы аивадуарзджыты.
Фæстаг азты та ма йæ æгæрон уарзæгой зæрдæйы хъарм æмæ йæ дæсныйады сусæгдзинæдтæ рæдауæй æргом кæны сывæллæттæн. Йæ цардвæндаг мæм цымыдисаг кæсы. Мах æй бирæ рольты федтам. Алыхуызон сурæтты. Фæлæ йæ зæрдæйы цавæр хъуыдытæ ис, иунæгæй куы аззайы, уæд цæуыл фæхъуыды кæны, цæмæ бæллы? Уымæй йын йæхи бафæрсæм. Кæй кой кæнын? Рæсугъд адæймаг – Персаты Тамарæйы.

Хетæгкаты Къостайы ном ирон адæмæн се ппæтæндæр зонгæ æмæ уарзон у куы зæгъон, уæд, æвæццæгæнæн, нæ фæрæдийдзынæн. Иу фæлтæрæй иннæ фæлтæрмæ Къостайы цардвæндаг æмæ сфæлдыстад алкæмæдæр цымыдисаг кæсынц. Йæ ном ын рох кæнын нæ уадзынц аивады кусджытæ дæр. Се хсæн мæ абоны уазæг дæр. Кæд нырма æрыгон у, уæддæр æй адæм сæ зæрдæтæм айстой. Уæлдайдæр та Къостайы роль куы ахъазыд, уæд.

Нæ уазæгæн кæд йæ репертуар нырма егъау нæу, уæддæр цыфæнды зарæг нæ акæндзæн. Йæ зæрдæйы рæбыны цы æнкъарæнтæ ис, æрмæст уыдонмæ гæсгæ.

Нæлгоймæгтæн ацы фарстатæ, æвæццæгæн, ахсджиаг сты. Мæ абоны уазæг йæ амонд раджы ссардта.

Канд республикæйы нæ, фæлæ Уæрæсейы æмæ фæсарæнты дæр. Аивадуарзджытæ йæ йæ хълæлæсæй уайтагъд дæр базонынц æмæ сæ уæд бауромæн нал вæййы. Цингæнгæйæ æрбадынц телевизоры цур æмæ радон хатт байхъусынц йæ зарджытæм.

Ацы æрыгон лæппуйы суанг йæ сабибонтæй бирæтæ зонынц. Дæсны кафæг кæй уыдзæн, уый йыл 5 азы куы цыд, уæд дæр бæрæг уыд. Азтæ рацыдысты æмæ Алан, ахæм у мæ абоны уазæджы ном, йæ цард сбаста аивадимæ. Бæлвырддæр зæгъгæйæ — кафтимæ!

Ныр сценæйы йæ алы фæзындмæ дæр аивадуарзджытæ тынг зæрдиагæй фенхъæлмæ кæсынц. Уарзынц йын йе сфæлдыстад дæр, йæхи дæр. Мæнæн дæр йемæ фембæлд æхсызгон вæййы.

Æнхъæлмæ кæсын Кокайты Аланмæ.

Цыфæнды кары дæр нæ, æвæццæгæн, алчидæр фæстæмæ акæсы æмæ ахъуыды кæны — куыд цардтæн, цы куыстон, мæ фæстæ исты хорздзинад ныууагътон æви нæ?

Ирыстойнаг спортсменты дунейы кæм нæ базыдтой, ахæм бæстæ, æвæццæгæн, нæй. Спорты алы хуызты сæхи иттæг хорз æвдисынц. Уыимæ куыд рагæй чи ныффидар, уыдоны, афтæ ныры дуджы чи апарахат, уыдоны дæр.
Мæнмæ гæсгæ, фæстаг азты азты кæстæртæ се ргом фылдæр аздæхтой боксмæ. Кæй бафæзмой, уый дæр сын ис.