Джусойты Нафи «Фыдæлты туг»

01.07.2022 20:45

Судзаг æвзаг

Выпуск от 01.07.2022

Джусойты Нафийы «Фыдæлты туг» авторы æнтыстджындæр куыстыты номхыгъды ис. Дзаджджын у цымыдисаг дзырдтæй. Иу-цалдӕр дзы æвзарæм.
Чиныг равгæнӕн ис электронон чиныгуат «Бæрзæфцæг»-æй: vk.cc/ces2UF

*ТАРО: «Æмпъузынц бинонты бызгъуыртæ, сгарынц хæндыджы æвæринаг цыхтытæ тарæйттыл»

*РАВГ: «Цыдæр æбæрæг равг рауай-бауай кæны æгæрон цъæх малы»

*ХЪЫРГЪЫ: «Фæтых мыл дæ, Хъыргъы!»

*РАЗВÆЛГЪАУ: «Æрмæст æй развæлгъау зæгъын»

*ÆХХÆЛЫН: «Хъырымы джихæй лæугæ куы ауыдта, уæд уыйæрдæм феххæлд»

*БЫГЪДУАН: «Дзурыны фадат — мæ быгъдуан»

*ХЪАУДЖЫ: «Нæ йæ зоныс, сывæллæттимæ сывæллонæй хъауджыдæр нæу»

*ЛÆХЪУЫН: «Цæй, ныр дæм цы хабæрттæ ис, лæхъуын, æппын ус дæр нæма курыс»

*МАММ: «Уæууа, уæдæй нырмæ дын æй фефхæрдтон, ме ’дылыйæ дын æй смамм кодтон»

*КЪУЫРЫНЦХЫ: «Къуырынцхы сау-сауид дардта»

Другие выпуски
Судзаг æвзаг

Цгъойты Хазби

Хъуыстгонд журналист, публицист æмæ иртасæг Цгъойты Хазби аивадон чингуытæ дæр дзæвгар бацæттæ кодта. Абон æвзарынæн райстон йæ радзырдты æмбырдгонд «Дæ зæрдæ де ’вдисæн», зæгъгæ. Фидæны та лæмбынæгдæр æркæсдзыстæм Хазбийы ахъаззаг мифологон бæрæгуат «Арвы дуар»-мæ.

Чиныг равгæнӕн ис электронон чиныгдон «Бæрзæфцæг»-æй: https://vk.cc/cd4KAq

*УАХЪÆЗ: «Уахъæз комы ’рдыгæй расиры…»

*ТÆЛЫ: «Исчи йыл тæлытæ бакодта, æви?»

*РÆСУГ: «Бæрцæй цалдæр бæласы зайы рæсуг æнæном суадоны алыварс»

*КÆЛÆХ: «Æвæдза, цард цæй бырынцъаг, цъæрæхснæг, кæлæх фæндаг у»

*КАЙЫН: «Кадæнхъæл йæ намыс кæд фæкайы, уый нал фæиртасы»

*ХÆРÆ: «Хъуыдытæ… хылдысты сæры магъзы, хæрæ мигъ сыл æрбадт»

*НОМХЫГЪД: «Номæвæрæн куывды мадмæ æрбахастой алыхуызон нæмтты стыр номхыгъд»

*ФÆЛТÆМÆН: «Æмæ уый фæлтæмæны фæрцы дардмæ тыргъы суыдта йæ хъæбулты»

выпуск от 29.04.2022
Судзаг æвзаг

Мэри Поппинс

Хъуыстгонд Дзасохты Музафер литературæмæ куыд дæсны у, уый иууылдæр зонæм. Суанг ма иронау сдзурын кодта англисаг фыссæг Памела Трэверсы «Мэри Поппинс»-ы дæр. Цы цымыдисаг дзырдтæй дзы спайда кодта, уыдон «Судзаг æвзаджы» сæрмагонд рауагъды.

Чиныг равгæнӕн ис электронон библиотекæ «Бæрзæфцæг»-æй ацы æрвитæнмӕ гæсгæ: https://vk.cc/ccgfCS

*ÆРМКЪУХ: «Урс æрмкъух кæуыл ис, йæ уыцы къухы амонæн æнгуылдзæй ацамонгæйæ»

*НЫЦЦАУАЗЫН: «Æз сæм рудзынгæй кæсгæйæ, мæстæй мæлин, уынджы змæлд кæй ныццауæзтой, уый тыххæй»

*УÆРÆХЧЪИЛ: «Йæ иу къухæй хæцыди йæ уæрæхчъил худыл»

*ГÆЗÆНХЪÆД: «Йæ хызыныл хæцыд, афтæмæй асины гæзæнхъæдыл абадт»

*ТУХГÆ: «Стæй дзы систа сапоны дынджыр джипп, духийы авг, тухгæ бандон»

*ÆВДИСÆН: «Фæлæ цы ’рцыди, уымæн уыдысты цардæгас æвдисæнтæ»

*ЦЪÆХСНАГ: «Уыцы рæстæг сын сæ зæрдиаг ныхас фескъуыдта мисс Ларкы цъæхснаг хъæлæс»

*АЗМÆЦ: «Азмæц! Зонды къуыбар! Мæ сызгъæрин!»

*ХАТГÆ: «Дыууæ фунты мын хатгæ абар — æппæты хуыздæр чи у, уыцы хатгæйæ»

выпуск от 08.04.2022