Къостайы фæндæгтæ

Цыфæнды хъуыддаг куы райдайа, уæд ын, æнæмæнг, кæронбæттæн дæр уыдзæн.

Фæлæ уæддæр се ппæты æхсæн бæрæг дары иу ном.

Æвзарæн къæпхæнтæ фесты æмæ абон сæ тыхтæ фæлвардзысты йæхи хуыздар чи равдыста, уыдон.

Нæ телекомпанийы райдыдта Цæгат Ирыстоны чи нæма уыд, ахæм проект — скъоладзауты `хсæн интеллектуалон хъазт.
Схуыдтам æй «Къостайы фæндæгтæ».
Абон у 4-æм æвзарæн хъазт. Ивгъуыд 3 хъазты бæрæггæнæнтæм гæсгæ финалы 4-æм хайы архайæджытæ сбæрæг сты. Абон ма сыл бафтдзæн дыууæ. Рабæрæг кæндзыстæм Къостайы цард æмæ сфæлдыстад хуыздæр чи зоны, уыцы скъоладзауы.

Ацы хъæзт у финалы æстæм хайы æвзарæн къæпхæн.

Ныр 2 æнусы бæрц Къостайы ном хъуысы алы бæстæты. Бирæ адæмæн йе сфæлдыстад уарзон сси, йæ цардвæндаг та ныры онг дисы æфтауы… Амæ та ахуыргæндтæ æмæ иртасджытæ рабæрæг кæнынц ног, раздæр кæй нæ зыдтам, ахæм хабæрттæ.

Къостайы фæндæгтæ æнцон нæ уыдысты. Йæ хъысмæт æй бирæ бæстæтæм бахаста. Фæлæ фидар уыды хицау æмæ уæззау зондыл хæст Иры хъæбул зындзинæдты сæрты ахизгæйæ, кæддæриддæр сæрбæрзондæй цыд. Сæрбæрзонд дзы уыдысты йе мдугонтæ, сæсрæстыр дзы стæм мах – ныры фæлтæртæ.

Алы æвзарæн хъазты уыдзæн 8 архайæджы. Районтæй 7 æмæ Дзæуджыхъæуæй 1 минæвар. 7 та уымæн æмæ Дыгуры районы нæ разынд, телевизион интеллектуалон хъазты архайын кæй фæнды, ахæм адæймаг.  Уымæ гæсгæ, абон сæ тыхтæ фæлвардзысты 8 скъоладзауы.

Хуыздæры æмæ Къостайы рæсугъддæр фæдоны ном чи райса, ома, хъазты уæлахиздзауæн балæвар кæндзысты путевкæ сывæллæтты Æппæтдунеон центр «Артекмæ».