Бон цыбырдæр кæнын райдыдта, фæлæ махæн нæ къаддæр кæны нæ зæрдæйы ахадындзинад. Уымæн æмæ алы райсом дæр нæ программæ «Физкульт-Салам»-ы архайджытимæ не уæнгтæ аивазæм æмæ бакусæм не `нæниздзинад фæхуыздæр кæныныл. Уазæлтты размæ та уый тынг пайда у!

Ахуыры аз та райдыдта. Цæмæй сывæллæттæ скъоламæ афойнадыл цæуой, уый тыххæй-иу сæ ныр раздæр фестын хъæудзæн. Æнæзивæгæй ног боныл сæмбæлыны тыххæй иттæг хорз уыдзæн немæ буары хæйттæ аивазын. Алы райсом дæр нæ телеканалы сæрмагондæй сымахæн фæкæнæм зарядкæ!

Райсомæй раджы фестын куыд зын вæййы, уый нæ чи нæ зоны?! Фæлæ нæ программæйы чысыл архайджытæ зивæг ницæмæ кæнынц. Кæрæдзийы цур алæууынц, се уæнгтæ аивазынц æмæ хъæлдзæгæй ног бонæн «æгас цу» фæзæгъынц. Сымах дæр ма сæ бафæзмынут!

Ног фæлтæрæнтæ æмæ хъæзтытæ уын уæ бинонты размæ хæссынц нæ «Физкульт-Cалам»-ы архайджытæ. Уый уын ахъаз уыдзæн хуры фыццаг тынтимæ хорз æнкъарæнтæ райсынæн. Сабиты хъæлдзæг худт хъуысдзæн уæ хæдзæрттæй. Раст мæнæ мах студи се `рбацыдæй куыд бахъæлдзæг кæнынц, афтæ. Зæрдиагæй уын лæвар кæнæм ног фембæлд нæ чысыл уазджытимæ.

Студимæ та нæм сæрæн сабитæ ногæй æрбауадысты. Райсомæй лæгау чи фесты, уыдонæн се `взаргæдæртæ сты. Уымæ сæумæкъуырццæй фæсидынц иннæтæм дæр. Хуымæтæджы нæ дзырдæуы, дæ бон куыд райдайай, афтæ йæ изæрмæ дæр арвитдзынæ. Афтæмæй уын уæнгрог, зæрдæрухс æмæ пайдаджын боны фидиуæг фæуыдзысты нæ «Физкульт-салам»-ы архайджытæ.

Ацы равдысты канд не уæнгтæ нæ аиваздзыстæм, фæлæ ма уын равдисдзыстæм ирон хъазт «Хæлуарæг». Кæсут нæм æмæ дзы хъазут сымах дæр!

Нæ зынаргъ æмбæлттæ! Афтæ бакæнæм, æмæ сæрд-сæрды дæргъы не `нæниздзинад фæхуыздæр кæныныл хорз бакусæм! Нæ зарядкæ пайда уыдзæн не `ппæтæн дæр. Ноджы ма йæ, не `студийы цы диссаджы уазджытæ ис, ахæмтæ куы амоной, уæд!

Кæд сывæллæттæн сæ каникултæ райдыдтой, уæддæр хъуамæ райсомæй æнæзивæгæй фестой. Ноджы ма сæм зарядкæ акæнынмæ фенхъæлмæ кæсы нæ мультархайæг Салам дæр! Ацы хатт дæр та студимæ фæхуыдта Бæслæны рæвдауæндоны сабиты.

«Физкульт-Салам»-ы аразджытæ уын бацæттæ кодтой ног рауагъд. Ацы хатт нæ зарядкæ кæндзыстæм чысыл спортсментимæ. Цымыдисаг фæлтæрæнтæ уын бацæттæ кодтам канд не уæнгтæ аивызыны тыххæй нæ, фæлæ ма нæ рæуджытæн æмæ нæ хурхы уадындзтæн пайда æрхæссынæн.

Ныр цасдæр рæстæг къуырисæрты нæ «Физкульт-Салам»-ы сымахæн бацæттæ кæнæм ног фæлтæрæнтæ. Кæцыдæртæ дзы сфæлхат кæнæм, фæлæ фæархайæм, цæмæй уын нæ зарядкæ зын ма уа, стæй уын пайда хæссой, ууыл. Æмæ та уын ног рауагъд бацæттæ кодтам ацы хатт дæр!