Нæ абоны уазæджы иу хатт чи фена, уый йæ, æнæмæнг, йæ зæрдыл бадардзæн. У алыхуызон егъау ерысты уæлахиздзау. Кæд спортмæ, зæгъæн ис, карджынæй æрбацыд, уæддæр цыбыр рæстæгмæ сси Уæрæсейы, Дунейы æмæ Европæйы чемпион.
Фæлæ сæйрагдæр уый нæу. Нæ абоны уазæг у фидар уды хицау, ис æм тырнындзинад æмæ йæ фæнды йæ кæстæртæ дзы сæрбæрзонд куыд уой, уый. Афтæ кæй у, ууыл та гуырысхо ничи кæны.
Гæззаты Спартачы республикæйы чи нæ зоны, ахæм адæймаг стæм разындзæн. Абон та у нæ программæйы уазæг. Тынг зæрдиагæй йæм æнхъæлмæ кæсын.
