Нартæн сæ цæхæрадоны задис иу фæткъуы бæлас; йæ дидинджытæ-иу æрттывтой æрвыгау, æмæ йыл задис иунæг фæткъуы. Фæткъуы уыдис сыгъзæрин фæткъуы, зынгау æрттывдтытæ калдта.

Иу бон Нарты Сатана стыр доны былыл гæрзтæ ‘хсадта, йæ уæлæ цыбыр куырæт, афтæмæй. Донæн иннæ фарс та йæ фосы дзуг хызта иу фийау.

Нартæн уæд сæ хистæр Уæрхæг уыдис. Уæрхæгæн райгуырдис дыууæ лæппуйы, фаззæттæ.