Йе стыр курдиаты фæрцы ирон аивад бæлвырд чи фæхъæздыгдæр кодта, йæ сурæттæй бирæтæ Уӕрӕсейы театры хæзнадонмæ кӕмӕн бацыдысты, уый уыд Уæрæсейы Федерацийы адæмон артисткæ Хъæрджынты Варварæ, Савелийы чызг.
Варяйы сфæлдыстадон биографи у тынг ирд æмæ хъæздыг. Йе сфæлдыстадон авналæнтæ дæр уыдысты тынг уæрæх: комеди, драмæ, трагеди –ацы жанрты арæхстис æмхуызон хорз.
