Хæрзгæнæг-ирвæзынгæнæг, хъæуккаг ахуыргæнæг, фæсарæйнаг дзырдтæ æмæ дипломон спектакль

Ацы хатт нæ студийы уазæг уыд, æрыгон лæппуйы адзалы дзæмбытæй чи раскъæфта, уыцы хæрзгæнæг. Чи у æмæ цæмæй аирвæзын кодта адæймаджы, уый тыххæй нын радзырдта йæхæдæг. Æрбахуыдтам ма, программæ «Хъæуккаг ахуыргæнæг»-мæ гæсгæ йæхицæн куысты бынат чи ссардта, уыцы адæймаджы. Цы йæ сразæнгард кодта, цымæ, хъæуккаг сывæллæттимæ кусынмæ? Базондзыстут æй. Дзырдтам нæ бæстæйы президенты ног уынаффæйы тыххæй дæр. Баст у фæсарæйнаг фыстытæ Уæрæсейы цæрæнбынæтты æркъаддæртæ кæнынимæ. Закъон йæ тыхы бацæудзæн фидæны азы мартъийæ фæстæмæ. Уæдæ кæрон та нæ равдыстæн скодтам аивады темæйæ. Нæ дзырды сæр уыдысты курдиатджын фæсивæд. Ныр уал сæ дипломон куыстытæ равдыстой, фæлæ сæм егъау сценæйы дæр æнхъæлмæ хъуамæ кæсой. Сæ фидæны тыххæй сын аныхас кодтам сæ разамонæгимæ.