Æрæджы Æрæфы район банымадтой æппæтæй æнтыстджындæрыл. Цæй тыххæй, уый иртасæм нæ программæйы.Уæдæ афæдзы кæрон æрхæццæ кæны, æмæ иннæ районты æмрæнхъ Рахизфарсы районы бæрнон адæймæгтæ дæр хатдзæгтæ кæндзысты. Мах декабры кæронмæ нал фæлæууыдыстæм, æмæ сæ нæ студимæ фæхуыдтам. Уæдæ ма æрдзырдтам, æрæджы Рахизфарсы районы скъоладзаутæ зонадон ерысты сæхи æнтыстджынæй куыд равдыстой, уый тыххæй дæр.

Мæздæджы районы 4 хъæуы цæрджытæ æхсæнадон транспортмæ æнхъæлмæ кæсгæйæ, лæууæндæтты тухæнæй куыд мæлынц, ууыл дзурæм нæ программæйы. Уымæй уæлдай ма ныхас кæнæм, хъæууон фæсивæд республикон конкурсты цы сгуыхтдзинæдтæ æвдисынц, ууыл. Ацы хатт æнтыстдзинæдтæ равдыста Дигорайы цæрæг.

Æппæтуæрæсеон проект «Мечтай со мной»-ы архайджытæ свæййынц Ирыстоны хъæуты цæрджытæ. Цæмæй хъæууон адæймаджы бæллиц сæххæст уа, уый тыххæй йæ цы бакæнын хъæуы? Стæй районты кинотеатртæ æмæ культурæйы хæдзæрттæ ног уавæрты кусынмæ куыд цæттæ сты? Ууыл дзурæм нæ программæйы.

Хъæуты цæрджыты хæдзæрттæй ифтонг кæныны программæ нæ бæстæйы кусын райдыдта цалдæр азы размæ. «Хъæууон территоритæ райрæзын кæнын» — афтæ хуыйны федералон программæ. Ууыл кусынц Кировы районы. Цæгат Кавказы федералон зылды равзæрстой 4 хуыздæр хъæуы. Сæ номхыгъдмæ бахауд цæгатирыстойнаг Ираныхъæу дæр. Уымæй уæлдай ма дзурæм, хъæуты æхсæнадон транспорты куыстæй адæм разы кæй не сты, ууыл.

640 азы сæххæст ис Ирыстоны рагондæр хъæу Цъæйыл. Хъæу цы уавæры ис, æмæ дзы канд туристтæ нæ, фæлæ бынæттон цæрджытæ бонæй-бонмæ цы нывтæ уынынц? Ууыл дзырдтам нæ программæйы. Ирыстон йæхи цæттæ кæны Къостайы райгуырæн бонмæ. Районты йæ куыд æрымысдзысты, ууыл уыд нæ ныхас.

800 милуан сомы бæрц ацы аз хъуамæ схардз кæной хъæуты уавæр фæхуыздæр кæныныл. Уыдонæй кæцыдæр хай схардз кодтой Хохы Карцайыл. Хæххон хъæуы уыйадыл лыггæнинаг фарстытæ фесты, æви нæ? Ууыл дзурæм нæ программæйы. Не `ргом ма аздæхтам хъомылгæнджытæм, сæ архайд культурæимæ баст кæмæн у, уыдонмæ. Уымæй уæлдай ма базыдтам, ирыстойнаг Дигора æмæ Керчы цы иу кæны, уый дæр.

Сæрды фæстаг мæй йе `мбисæй ахызт. Фæлæ тæвд бонтæ райдыдтой, æмæ бирæ хъæутæ донцух æййафынц. Ныр та Алагиры цæрджытæ сты æнæ дон. Районы разамынд цавæр къахдзæфтæ кæны уавæр банывыл кæнынæн, уый тыххæй дзурæм нæ программæйы. Куырттаты æмæ Уæлладжыргомы къамтæ Мæскуыйы сæйраг уынгты ныффидар кæныны хъуыды кæмæ æрцыди? Фарныхъæу йæ 100 азы бæрæгбоныл цы хъуыдытимæ æмбæлы æмæ нæ республикæйы скъолаты театралон къордтæ байгом кæнынмæ цæмæн хъавынц? Уыдон сты нæ равдысты дзуринæгтæ.

Ирыстоны хъæуты нæмттæ фылдæр сæхæдæг сæхиуыл дзурæг вæййынц. Зæгъæм, Рассвет — хурдзаст бынат, Фарныхъæу — фарнæй хайджын, Нартыхъæу… Ацы мидисджын нæмттæ хæссæг цæрæн пункттæй иуыл уыдзæн нæ ныхас. Физкультурничы боны агъоммæ та дзурæм физкультурæйы ахуыргæнджытæ цавæр ног мадзæлттæй пайда кæнынц сæ куысты, ууыл.

Официалон бæрæггæнæтæм гæсгæ, 2020-æм азы нæ бæстæйы мæгуыртæ уыдысты 18 милуаны бæрц. Паддзахадон статистикон службæ нын куыд амоны, афтæмæй фæстаг дыууæ азмæ мæгуырты нымæц фæци æрмæст иу процент къаддæр. 2030-æм азмæ та Уæрсейы сæ бæрц хъуамæ фæуа 6% къаддæр. Ирыстоны уыцы хъуыддагыл куыд кусынц, ууыл дзурæм нæ программæйы. Не `ргом ма аздæхтам Къора-Урсдоны кувæндæттæм. Базилынмæ сæм хъавы хъæуæй рацæуæг ацæргæ адæймаг.

Хъарман-Сындзыхъæу кæрæдзийыл бæтты Дыгуры, Æрыдоны æмæ Алагиры районтæ. Бæтты ома цы хуызы? Фæндаджы фæрцы. Фæлæ уыцы бæттæгæн дæр йæ уавæр хуымæтæг нæу. Уæдæ мыггаг бæттæг та куывд æмæ бæрæгбон вæййыц. Туалгомы цæрджытæ сæхи цæттæ кæнынц Хуыцауы Дзуары Бонмæ. Цымыдисаг дзуринæгтæ ис Мæздæджы минæвæрттæм дæр. Æмæ æппæт уыдæттыл дзурæм нæ программæйы.