Не студийы уазæг — Хъæрджынты Махар. Нырма æрыгон, фæлæ хъуыстгонд спортсмен. Бирæ кæстæртӕ дзы дæнцæг исынц. Фӕлӕ йæхицæн та хорз æмæ æвзæрыл цы нымайы, фæзминаг кӕй хоны, стӕй цы сты йӕ бӕллицтӕ, цымӕ?

Музыкæйы зæлтæ зæрдæмæ кæй хъарынц, зæлтæй ныхас кæнæн кæй ис, уый, æвæццæгæн, бирæтæ сæхиуыл дæр банкъардтой. Фæлæ не `хсæн ис ахæм адæймæгтæ, музыкæйы зæлтæ æмæ инструменттæ сæ сусæгдзинад кæмæн раргом кæнынц. Уыдонæй иу у Илаты Тимуры, æмæ йын бацархайдтам йæ зæрдæйы хъуыдытæ раргом кæнын.

Нæ уазæджы республикæйы бирæтæ зонынц йӕ бирӕвӕрсыг архайдӕй. Кæддæриддæр йæхи ‘вдыста уæздан, ирондзинадыл хæст æмæ йæ хъуыдытæ æргомæй дзурӕг адæймагæй. Æмæ нæм цымыдисаг куыд нæ хъуамӕ фæкастаид… Йæ мæт, йæ сагъæс цы сты, цæуыл фæхъуыды кæны, йæ размæ цавæр нысантæ æвæры… Актер, бæрнон кусæг, зæхх чи уарзы æмæ йын лæггад чи кæны, уыцы адӕймагмӕ, цы радзура, уый куыд нӕ хъуамӕ уа? Байхъусæм ын йæхимæ дæр. Программӕ «Цы сусӕг кӕныс?»-ы уазӕг у Сыкъаты Марат.

Фæндтæ, бæллицтæ… Алкæмæн дæр куыд бирæ æмæ алыхуызон вæййынц. Бирӕты фæндыд, зӕгъӕм, дохтыр суæвын. Ӕмӕ бирӕтӕ сарӕхстаиккой ацы куыстмӕ. Хуымӕтӕджы не ‘рхъуыды кодтам ацы дӕсныйад. Абон нæ уазæг дохтыр у, ӕмӕ уымæн. Нырма æрыгон у, фæлæ йӕ ном айхъуыст æмæ дзы бирæтæ тынг бузныг сты.

Фæлæ йæхимæ та цавæр бæллицтæ æмæ фæндтæ ис? Йæ зæрдæйы цавæр хъуыдытæ дары? Уымæй йын йæхи бафæрсдзыстӕм.

Нӕ уазæг у Наниты Аскер.

Къорд азы размæ ацы музыканты кой, зæгъæн ис, æмæ цæстыфæныкъуылдмæ айхъуыст. Æдзух хъæлдзæг æмæ мидбылхудаг адæймаг алкæй зæрдæмæ дæр фæндаг ссардта. Йæ фæндырдзагъд та зæрдæйыл æмбæлд. Цы къорды архайдта, уый ном хъуыстгонд уыд. Абон та йæ зонынц, куыд диссаджы æрмдæсны æмæ ахуыргæнæг, афтæ. Уæдæ нæ уазæг у Чочиты Батраз.

Абоны уазæгæн æрмæст йæ ном дæр чи фехъусы, уый фæлмæнæй мидбылты бахуды.

Ирон адæммæ ахæм фæтк ныффидар æмæ сывллоныл афæдз куы сæххæст вæййы, уæд ын йæ разы сæвæрынц алыхуызон дзаумæттæ æмæ мигæнæнтæ. Ома, йæ къухтæм цы райса, уымæ гæсгæ бæрæг уыдзæн цавæр дæсныйадыл хæст уыдзæн, уый.

Цымӕ нӕ диссӕгтыл бирӕтӕ ӕууӕндынц?
Уый нӕ зонын. Фӕлӕ циндзинӕдтӕм ӕмӕ хорздзинӕдтӕм алчидӕр тырны. Уыдон та къухы ӕнцондӕрӕй ӕфтынц цымыдисаг дзаумайы руаджы.
Цы у, уый программӕ «цы сусӕг кӕныс»-ы уазджытӕ зонынц…
Дӕгъӕл…
Зӕрдӕтӕ ӕмӕ царды фӕндӕгтӕ чи гом кӕны, ахӕм.
Мӕнӕн рауад 100 адӕймагимӕ фембӕлын, 100 зӕрдӕйы дуары байгом кӕнын, 100 цардвӕндаджы базонын…
Абон программӕйӕн у йӕ
100-йӕм рауагъд.
Чысыл юбилей ӕмӕ иумӕ сбӕрӕг кӕнӕм.

Наукон æмæ æхсæнадон куыст, политикæ æмæ аив литературæ, сабырдзинад хъахъхъæнæг æмæ хорз æмбал. Куыд уæм кæсы, æппæт ацы миниуджытæ иу адæймаджы баиу вæййынц? Мæхимæ дæр цымыдисаг кæсы.
Фæлæ, дам, адæймаджы цæст уынаг у. Æмæ кæй загътон уыцы миниуджытæй хайджын адæймагыл нымайынц мæ абоны уазæджы.
Йæ фыдæн аккаг кæстæр, йæ райгуырæн зæхх æмæ йæ адæмы чи уарзы, ахæм нæлгоймаг.
Тынг мæ фæнды йæ хъуыдытæ, йæ цæстæнгас базонын æмæ йæм а-изæр æнхъæлмæ кæсын уазæгуаты. Чи у? Цыбырты Алексей.

Республикæйы исты цау куы æрцæуы, уæд æппæты фыццаг бынатмæ чи атындзы, уыдонимæ вæййынц уацхæсджытæ дæр.
Афтæ куы зæгъон æмæ мæ абоны уазæг бирæ цаутæн æвдисæн уыд, йæхи цæстæй бирæ федта, уæд нæ фæрæдидзынæн. Йæ фæллойадон фæндаг цымыдисаг у? Мæнмæ гæсгæ – о.
Фæлæ нæ алчидæр, фыццаджыдæр, адæймаг у. Йе нкъарæнтимæ, йæ цинтæ æмæ сагъæстимæ, йæ бæллицтимæ…