Ирон æвзаг – нæ дзыллæйы истори

Ирон æвзаг æмæ литературæйы бæрæгбонмæ Цæгат Ирыстоны Культурæйы министрад, Адæмон сфæлдыстады Республикон хæдзар æмæ Цæгат Ирыстоны Национ телекомпани «Осетия — Ирыстон» бацæттæ кодтой сæрмагонд фембæлд комкоммæ эфиры мадæлон æвзагæн стыр аргъ чи кæны, уыдонæн. Ацы изæр æрымысыдыстæм Къоста æмæ Васойы рухс нæмттæ. Зæлыдысты ирон дзырды дæсныты зæрин хъæлæстæ — Тæбæхсæуты Бало, Мерденты Юрий. Уыд фенæн скъуыддзæгтæ Ирон театры сценæ цы спектакльтæй барухс кодтой, адæмæн æнæкæрон уарзон чи ссис, уыдонæй цалдæр. Амонджытæ: Цæриаты Валерий, Налдыхъуаты Зæлинæ æмæ Токаты Альбинæ. Зæлыдысты ирон зарæг æмæ фæндырдзагъд. Бæрæгбоны арфæтыл ма бафтыдта Республикæйы Фысджыты цæдисы уæнг, газет «Рæстдзинад» — ы сæйраг редактор Хозиты Барис.