Фондз азы размæ Ирыстоны кусын райдыдта æхсæнадон организации «Иудзинад». Уæд йæ размæ цы хæстæ æвæрдта, уыдонæй цалдæр уыдысты ирон нацийы рæзт æмæ адæмы æнгомдзинадыл кусын, национ хиæмбарынад фæфылдр кæнын, стæй фæтыхджындæр кæнын патриотизмы æнкъарæнтæ. Фондз азы бирæ дæр нæу, уæвгæ чысыл дæр нæу. Уæдæ иугондæн саразын цы бантысти, æмæ ма бакусын цæуыл хъæуы?
Ууыл æнрыхас кæндзыстæм нæ программæйы. Студийы уазджытæ сты æхсæнадон организации «Иудзинад»-ы Советы уæнгтæ: Мæрзойты Тамерлан æмæ Туаты Алан, стæй «Иудзинад»-ы æвзæрст лæг Токты Владимир.
