Бындурон пункттæ районты, Æ-тест, «æрхъуыдыджын» сывæллæттæ æмæ ирон чызг — Болливуды! | Йӕ рӕстӕгыл

Рæхджы хъуамæ республикæйы районты сæ куыст фæахадгæдæр уа бындурон пункттæн. Сæ саразджытæ куыд зæгъынц, афтæмæй уый руаджы адæмæн зынгæ фенцондæр уыдзысты сæ царды цавæртæ. Куыд æмæ цы фæткмæ гæсгæ кусдзысты? Цæмæй сахаддзысты цæрджытыл? Ацы æмæ ма бирæ æндæр фæрстытæ радтам нæ студийы уазджытæм. Хатдзæгтæ скодтам, ныр цалдæр хатты республикæйы ирон æвзаг зонынæй цы «Æ-тест» саразынц, уымæн дæр. Йæ рæстæгыл нæм саккаг кодтой, фæлварæн чи `рхъуыды кодта æмæ дзы чи архайдта, уыдон. Цы раиртæстой сæхæдæг та тесты бæрæггæнæнтæм гæсгæ? Сæ дзуапп цæттæ уыд. Уæдæ ма нæ уазджытæ уыдысты æрыгон фæлтæры минæвæрттæ сæ разамонæгимæ. Абон у «æрхъуыдыджын» сывæллæтты бон æмæ дзы нæ республикæйы дæр разынд. Цæуыл кусынц, уый нын сæхæдæг радзырдтой. Программæйы кæронбæттæны та нæм уазæгуаты саккаг кодта ирон чызг, æрмæст… Индийæ! Йæ дæсныйадмæ гæсгæ актрисæ у. Цастæ зын бамбарæн у уæдæ, Болливудмæ йæ ных цæмæн сарæзта, уый… Дарддæр та цы?..