Рагæй-æрæгмæ ирæттæ пайда кæнынц дзырд «табу»-йæ. Цымыдисаг у, фæлæ бирæ æвзæгты ныффидар. Ис ын цалдæр нысаниуæджы. Ирон адæм дзы цы хуызы пайда кæнынц, уый радзурдзыстæм «Нысантæ»-йы ног рауагъды.

Кусарт кæнынæн ис сæрмагонд фæтк. Ирон адæм архайынц, цæмæй уыцы æгъдау хæлд ма цæуа. Нæ ног равдысты бацархайдзыстæм дзырд «кусарт»- æн йæ равзæрд раиртасыныл, стæй кусарт кæныны хъуыддаг бæстон равдисыныл.

Хетæджы къох ирон адæмæн у табуйаг. Ис дзы хи дарæны сæрмагонд фæтк, стæй цы нæ фæтчы, ахæм хъуыддæгтæ дæр. Нæ ног равдыст «Нысантæ»-йы сæ ахсджиагдæртыл æрдзурдзыстæм.

Сæр æмæ бæрзæй ирон фынгыл раст æвæрыны фæткыл арæх æрцæуы быцæу ныхас. Нæ ног рауагъд «Нысантæ»-йы уын бæлвырд радзурдзыстæм кусарты сæйрaг хæйтты тыххæй.

«Нысанты» редакцимæ æрбарвитут алыхуызон фæрстытæ. Дзырдæн зæгъæм, æрæджы райстам мæнæ адон: «дыууиссæдзæм бон бæгæныйы цы фæткъуы ныппарынц, уымæн йæ нысан цæй мидæг ис? Стæй зиан куы ахæссынц, уæд бандон цæмæн аппарынц?» Ацы фæрстытæн дзуапп дæттæм нæ равдысты.

«Æртæ чъирийы æви æртæ кæрдзыны? Куыд растдæр у», — фæрсы нæ равдыстмæ кæсæг. Дзуапп — нæ радон программæ «Нысантæ»-йы.

Ирон адӕм ӕрвылаздӕр Цыппурс ӕмӕ Ногбоны ‘хсӕн фӕбӕрӕг кӕнынц Бынаты æxcӕв. Иутӕ йӕ хонынц Бынаты бардуаджы ӕхсав, иннӕ та — Хӕйрӕджыты ӕхсӕв.

Нæ ном ирон цæмæн у? Нæ телеуынадмæ цы фарстытæ æрвитут, уыдонæй та иуæн дзуапп ратдзыстæм нæ радон равдыст «Нысанты». Нæ адæмыхатт «ирон» цæмæн хуыйны? Истори æмæ æвзагзонынад бæстон чи зоны, уыдоны æххуысæй æхсызгонæй дзуапп дæттæм.

Æгъдау раттын зонды хос у, адæмæн – удыбæстæ. Ирон лæгæн алкæддæр æмæ алкæмдæр йæ алы фезмæлд, йæ алы къахдзæф æмæ сныхас дæр бæлвырд фæткыл вæййынц. Абон уын уæ зæрдыл æрлæууын кæндзыстæм кæрæдзиимæ фембæлды æмæ фæйнæрдæм ацæуыны ‘гъдау. Равдисдзыстæм уын, хистæримæ цæугæйæ кæстæры бынат кæм хъуамæ уа, уый. Радзурдзыстæм зиан æмæ циндзинадмæ бацыды уагæвæрды тыххæй.

Фынджы æгъдау ирон адæммæ æрмæст хæрын, нуазын æмæ кæрæдзиимæ аныхас кæнынæн нæ уыд. Уый æнгом баст уыд уырнынад, царды уаг æмæ æхсæнадон ахастыты фæткæвæрдимæ. Уæдæ бæлвырддæр фынгæй сыстыны æгъдауы тыххæй дзурæм нæ равдыст «Нысанты». Æхсызгонæй уын æнхъæлмæ кæсдзыстæм уæ фарстатæм дæр.