Ирон адæмæн бирæ хорз æгъдæуттæ баззад нæ фыдæлтæй. Уыцы хæзнатæй иу у æмбалдзинад. Уымæн æмæ æмбæлтты фарнæй хох дæр нæры, уыдоны фарсмæ амонд цæры. Уæдæ равдыст «Æмбалджынтæ»-йы базыдтам, нæ абоны царды æцæг æмбал ссарын зын у æви нæ, уый?

Музыкæ у культурæйы ахсджиаг хай. Йæ фæрцы раргом вæййы алы адæмыхæттыты царды фæтк æмæ æгъдау. Фæлæ бирæ хорз зарджытæ аззадысты рохуаты. Уыимæ та зарæггæнджытæ дæр. Нæ равдысты сæ æрымысыдыстæм æмæ раиртæстам, нæ дуджы сын бынат ис, æви нæ, уый.

Адæймаг цыфæнды куыст куы кæна, уæддæр дзы ахсджиаг вæййы зæрдæрухсæй æмæ æнæхинæй фæллой кæнын. Уæд дзы бæркад дæр уыдзæн. Нæ равдысты раргом кодтам чысыл æмæ уæрæх амалхъомдзинады сусæгдзинæдтæ.

Уæлдæф куы фæхъармдæр вæййы, уæд рахилынц цæрæгойтæ æмæ зулчъытæ дæр. Куыд сæ бахъахъхъæнæм нæхи? Ууыл æрныхас кодтам нæ равдысты. Уымæй уæлдай ма сбæрæг кодтам мыдыбындзыты бон, радзырдтам мыды æууæлты тыххæй.

Уалдзæджы ахсджиагдæр мæй райдыдта. Ахсджиаг та цæмæн у? Уымæн æмæ дзы сбæрæг кæнæм нæ рæсугъддæр æмæ уарзондæр бæрæгбæттæ. Нæ программæйы сыл æрныхас кодтам.

Дохтыры дæсныйад ахсджиагдæр æмæ хъæугæдæр куыстытæй иу у. Уыйхыгъд раджы заманы  адæмы уырныдта, рынчыны низæй музыкæ æмæ кафт кæй ирвæзын кæнынц, уый. Афтæ у æви нæ, — иртасæм нæ равдыст «Æмбалджынтæ»-йы.

Хуыцаубоны чырыстæттæ сбæрæг кæндзысты Куадзæн. Абон та у бæрæгбоны агъоммæйы сæйраг бон — сыгъдæг цыппæрæм. Куыд хъæуы хи бацæттæ кæнын Куадзæнмæ? Уый базондзыстæм равдыст «Æмбалджынтæ»-йы.

Цыфæнды хъуыддаджы дæр бæрц зонын хорз у. Фегæр уæвынæй хи хъахъхъæнын хъæуы. Уæдæ равдыст «Æмбалджынтæ»-йы ныхас кæнæм, бæрц зоныны æгъдæуттæ куыд ахсджиаг сты, ууыл.

Алы мад дæр архайы йæ кæстæры хорз адæймагæй схъомыл кæныныл. Куыд ахджиаг у ацы хъуыддаджы уæлæмхасæн ахуырад, æмæ Ирыстоны кæстæртæн цавæр цымыдисаг къордтæм цæуыны фадат ис? Уыдæттыл дзырдтам равдыст «Æмбалджынтæ»-йы.

Бирæ бæстæты ацафон фæархайынц сæ алфæмблай барæсугъд кæныныл. Зæгъæм, советон заман ацы бонтæ нымадтой æппæтадæмон экологион бæрæгбоныл. Йæ сæйраг хæс уыд бæлæстæ садзын, кæрдæгæй, дидинджытæй æмæ æндæр зайæгойтæй хъæуы æмæ горæтты уынгтæ аив кæнын. Ууыл бакуыстой равдыст «Æмбалджынтæ»-йы уазджытæ дæр.