Цæгат Ирыстон кæд стыр республика нæу, уæддæр нæм ис 25 ахуыргæнæндонæй фылдæр. Æрвылбон дæр æрыгон фæсивæд фæтагъд кæнынц уæлдæр скъолатæ æмæ колледжтæм. Абон у сæ бæрæгбон – студенты бон! Цы сын нысан кæны, стæй йæм куыд бацаттæ кодтой сæхи? Уый нын радзурдзысты не студийы уазджытæ. Ноджыдæр ма уæ базонгæ кæндзыстæм æппæтуæрæсеон сфæлдыстадон конкурсы уæлахиздзаутимæ дæр.

Ног азы фæлладуадзæн бонтæ апæррæст кодтой. Бирæ адæм сæ хъæлдзæг æмæ рæсугъдæй арвыстой. Зæгъæм, нæ амонæг уыдис Ирон театры, æмæ федта спектакль «Мæ усы мад». Йæ зæрдæмæ афтæ фæцыдис, æмæ йæ бафæндыд артисттимæ аныхас кæнын.

Адæймаг йæ зæрдæмæ хæстæгдæр айсы хи къухтæй конд дзаумæттæ. Хъарм сæ фылдæр вæййы. Ноджы ма национ дзаумæттæ куы вæййынц, уæд та уæлдай фылдæр æрхæссынц æхсызгондзинад. Уæдæ махæн дæр зынаргъ сты, национ тæваг кæмæ хæццæ кæны, ахæм дзаумæттæ. Фæстаг рæстæг та сæ аразыны хъуыддаг уæлдай тынгдæр апарахат.

20 январы кæцыдæр бæстæты фæбæрæг кæнынц диджейы профессионалон бæрæгбон. Кæд бæрæгбонмæ Ирыстоны сæ хъус тынг нæ дарынц, уæддæр нæ республикæйы цæрджытæ æмхиц сты музыкæмæ. Бирæ азты нæ хæдзæртты музыкæ зæлы ирон радиойы фæрцы. Æмæ нæ студимæ æрбахуыдтам, амонджыты æмæ дзы диджейты куыст чи кодта æмæ кæны, уыдоны. Уыимæ ма нæхи къухтæй бацахсдзыстæм цыхт Моцарелла.

Фæстаг азты тынг хъæугæ æмæ агургæ сси къамисæджы куыст. Уый баст у, социалон хызтæй парахатæй пайда кæнын кæй райдыдтам, уыимæ дæр. Адæмы фæнды, цæмæй сæ аивæй æмæ амондджынæй уыной. Æмæ бацагурынц хорз къамисæджы. Уæдæ цавæр зонындзинæдтæй æмæ кусæнгæрзтæй хъуамæ уа гæрзифтонг къамисæг, цæмæй йе сфæлдыстад зæрдæмæдзæугæ уа, уый тыххæй?

Ивгъуыд азы кæрон нæ республикæйы хатдзæгтæ скодтой бынæттон хиуынаффæйады оргæнты куыстæн. Нæ равдысты базондзыстæм, Кировы районæн дзы цы аргъ скодтой, стæй дзы цы ног цаутæ æрцыд, уыдон дæр.

Ирон адæмы уарзондæр бæрæгбæттæй иу у Ногбон. Фынгмæ-иу бинонтæ сæхи рагацау цæттæ кодтой. Уæдæ æгъдаумæ гæсгæ, мах дæр нæхи æнæ æртхуронæй æмæ дедатæй нæ ныууагътам. Куыд кæнгæ сты, стæй æртхуронæй кæмæ цы æрхауд? Уый та базондзыстут нæ равдысты.

Ног аз куыд арвитай, афтæ ахæсдзæн æнæхъæн афæдз дæр! Мах бацархайдтам, цæмæй бæрæгбоны агъоммæ уæ рæстæг хъæлдзæгæй арвитат, ууыл. Программæ «Сæумæрайсом»-ы амонджытæ боныцъæхты фестадысты æмæ уын бацæттæ кодтой сæрмагонд рауагъд Ног азмæ!

Алы адæмыхæттæн дæр йæхи истори ис. Вазыгджын у уыцы историйыл узæлын. Нæ фыдæлтæ нын цы культурон бынтæ ныууагътой, уыдон абарæн ис хæзнатимæ. Не студийы уазджытимæ дзурæм нывгæнæджы сусæгдзинæдтыл æмæ Ирыстоны музыкалон аивадыл.

Абон у кинойы бон. Ирыстоны та аивады ацы хуызæн арф уидæгтæ ис. Не студийы дзурæм, кæддæр нæ республикæйы цы кинонывтæ ист æрцыдысты, уыдоныл. Уыимæ ма не `ргом аздæхтам ног информацион технологитæм.