«Изæры рад»-ы цы темæтыл ныхас кодтам, уыдон алывæрсыг сты. Фæлæ сæ уæддæр иу кæны ирон æхсæнады цардывæтк, ирондзинад æмæ ирон æвзагимæ бастдзинад. Дзурæм скъолаты æмæ рæвдауæндæтты ирон æвзаджы ног къордты тыххӕй, стӕй зæрдæвæрæн æмбæлгæ хуызы арвитыны фæткыл. Афтæ ма базонгæ уыдзыстут ирон фæсивæды хуыздæр минæвæрттимæ дæр.
- Главная
- Телепроекты
- Вечерняя смена
- Выпуск от 26.08.2020
Курдиатджын сывæллæттæ æмæ сфæлдыстадон сменæ «Ступени мастерства»
Вечерняя смена
Адæймагæн йæ сабибонтæ цы цаутæ срæсугъд кæнынц, уыдон сывæллоны зæрдæйы стыр фæд ныууадзынц. Уыцы мысинæгтæ æмæ йын зонындзинæдтæ йæ цардвæндаджы баххуыс кæнынц. Ахсджиаг сты, йæ алфамблай цы хабæрттæ цæуынц, уыдон.
Нæ равдысты радзурдзыстæм, Ирыстоны кæстæртæн сæ курдиат куыд æргом кæнынц, уыцы мадзæлттæй иуы тыххæй. Раиртасдзыстæм, сæ хъус сæм фаг дарынц æви нæ, уый дæр. Не студийы уазджытæ уыцы фарстатæн абон дзуæппытæ дæтддзысты. Уыдон сты Хабæты Риммæ — сывæллæтты сфæлдыстады Галуаны методист, Кокайты Заремæ — Беслæны сывæллæтты аивæдты хæдзары ахуыргæнæг, Гæджынаты Лианæ — ныййарæг, Гæджынаты Ардæ.
Хæрз æрæджы 40 курджиатджын сывæллонæн фæцис хорз фадат сæ фæлтæрддзинад фæфылдæр кæнынæн. Цы ахуырадон мадзæлтты архайдтой, уыдоны руаджы сæ зонындзинæдтыл бафтыд. Чызджытæ æмæ лæппутæ араст сты Уыналмæ. Цавæр пайда сын æрхæсдзæн сæ балц, уымæн та нын дзуапп ратдзысты не студийы уазджытæ: Гæздæнты Еленæ — сывæллæтты сфæлдыстады Галуаны адæмон инструментты хайады ахуыргæнæг, Цæллагты Фатимæ — нывгæнæг, проект саразæг.
