Сæрд йæ тæмæны бацыди, æмæ та куы иу ранæй, куы иннæ ранæй райхъуысынц, цæрджытæ æнæ донæй кæй баззадысты, ахæм хъусынгæнинæгтæ. Æмæ абон ныхас кæндзыстæм, уыцы къуылымпыдзинæдтæ цæимæ баст сты æмæ хъæуккæгты уавæр кæд аивдзæн, ууыл.

Æппæт Уæрæсейы дæр абон бæрæг кæнынц фæсивæды бон. Дзурын æй никæмæн хъæуы, æрыгæттæ сты, цард дарддæр чи хæццæ кæндзæн, уыдон. Æрыгæттæ кæдфæндыдæр цæттæ сты ногдзинæдтæм.

Æрыгæтты фарстатыл нæ программæйы дзурæм хъæуккаг фæсивæдимæ.

Нæ республикæйы йæ тæмæны бацыдысты хъæууон-хæдзарадон куыстытæ. Цыбыр рæстæджы фæстæ райдайдзысты мæнæу, стæй та нартхор кæрдын. Æмæ уæд нæ республикæйы зæхкусджыты фылдæр хай сæмбæлдзæн бæлвырд къуылымпыдзинæдтыл. Уыдонæй риссагдæртæ сты, хъæууон-хæдзарадон техникæ æмæ кусджытæ фаг кæй нæй, уыдон. Куыд лыггонд цæудзысты уыцы фарстатæ, ууыл дзурдзыстæм нæ программæйы «Комæй-коммæ».

Рацарæзтытæ цæуынц æппæт Уæрæсейы дæр. Æхгæнынц рæвдауæндæттæ, иу сæ кæнынц скъолатимæ. Уыцы уавæр баст у æхца сфæстауæрц кæнынимæ: ома хъæуты чысыл адæм цæры, муниципалон скондты æхца нæй рæвдауæндæттæ аразынмæ æмæ сæ дарынмæ. Уыцы аххосæгтæм гæсгæ, æхгæнынц скъолатæ дæр. Бæрæггæнæтæм гæсгæ, фæстаг æхсæз азмæ Уæрæсейы сæхгæдтой скъолаты æртыццаг хай. Реформæ сывæллæттыл куыд ахады?  Нæ республикæйы кæцыдæр хъæуты ацы хъуыддагимæ разы не сты, иннæ рæтты та – сты. Уæдæ йæм ахæм алыхуызон цæстæнгас цæмæ ис, уый сбæрæг кæндзыстæм ацы сахаты дæргъы. Æз уæ зонгæ кæнын не студийы уазджытимæ:

Рахизфарсы районы Ольгинскæйы администрацийы сæргълæууæг Дзлиаты Таймураз, Хуымæллæджы рæвдауæндоны хъомылгæнæг Къуымсиаты Оксанæ,

Дыгуры районы ахуырады управленийы кусæг Зæнджиаты Тиминæ æмæ Мустыздæхы скъолайы сæргълæууæг Цæллаты Беллæ.

Алагиры районы Суададжы администрацийы сæргълæууæджы æххуысгæнæг  Кæмæдзаты Ольгæ æмæ Суададжы рæвдауæндоны хъомылгæнæг Хæдарцаты Иринæ.

Комкоммæ бастдзинады фæдзурæм хъæуггæгты цард æмæ уавæрыл. Хæрз æрæджы дæр ма, ома 20-æм æнусы райдайæн Ирыстоны хъæуты парахатæй пайда кодтой хæдзарон æрмдæсныйы куыстытæй. Хохæгтæ сæхи дардтой фос дарынæй. Кодтой хъæды æмæ æфсæйнаджы куыст. Адæймаджы та æрдз афтæ скодта, æмæ кæмфæнды куы цæра, уæддæр архайдзæн йæ алыварс рæсугъддзинад саразыныл. Гъемæ афтæмæй æрвылбоны куысты дзаумæттæ дæр уыдысты аив æмæ зæрдæмæдзæугæ. Уыцы дзаумæттæ адæм кæнын æмæ аразын нал зонынц. Кусынц ма сыл æрмæст æрмдæснытæ. Нæ респбуликæйы чысыл не сты. Фæлæ цы æнхъæлмæ кæсы ацы къабазы кусджытæм, æмæ куыд цæуы сæ хъуыддаг, хъæуты цы æрмдæснытæ ис, уыдонæн? Сфæлдыстадон куыст кæй кæнынц, уымæй разы сты, сæ дæсныйад сын къæбæр бакусынæн ахъаз у, æви нæ? Ууыл дзурдзыстæм нæ программæйы «Комæй-коммæ».
Æз уæ зонгæ кæнын не студийы уазджыты фыццаг къордимæ:
Национ тематикæйыл конд сахæтты паддзах – амалхъом адæймаг Кцойты Виталий æмæ Цæгат Ирыстоны æрмдæсныты ассоциацийы уæнг, куклатæ аразæг Таутиаты Азæ.

Не `ргом тынгдæр аздахдзыстæм, адæм сæхæдæг сæ хъæппæрис кæм равдыстой, æмæ хицауады бузныджы æмæ арфæты тыххæй нæ, фæлæ сæхи удæнцойы тыххæй сæ уынгтæм чи базылд, уыдонмæ. Кæд уæ хъæуы сыгъдæгдзинад раппæлинаг у, уæд нæм æрбадзурут, æмæ ракæнут уæ аив уынгты кой. Дзурут нæм, кæд брæтты обæуттæй сфæлмæцыдыстут, уæд дæр.

Хæххон хъæуты цæрджытæ фæллой кæнынæй нæ тæрсынц, фæлæ хатт сæ гæнæтæ сæхицæй аразгæ нæ вæййынц. Цæмæй сын ис баххуыс кæнæн, æмæ цы къуылымпыдзинæдты сæрты хъуамæ ахизой? Паддзахадон æххуыс кæмæн фæахъаз, æмæ йæ йæ цæсты кæронæй дæр чи нæма федта? Ууыл дзурдзыстæм нæ программæйы «Комæй-коммæ».

Ирыстоны хъæуты тугдзых сырдтæ сбирæ уæвыны хъуыддагыл цы ахады?

Хæрз æрæджы цалдæр хъæуы цæрджытæ бахъаст кодтой, газеттæ сын алы бон нæ, фæлæ бонцухæй ласын кæй райдыдтой, уый тыххæй.

Не студимæ фæхуыдтам æппæт районты администрациты æмæ муниципалон скондты разамонджыты æмæ минæвæртты.