Ацы хатт нæ дзырды сæр уыдзысты ирон бæрæгбæттæ. Æмткæй райсгæйæ сын иууылдӕр сæ фæтк зонынц. Уӕвгӕ, дам, алы хъӕуы дæр хицæн æгъдау ис, фæзæгъынц. Иу ӕгъдау ирон бӕрӕгбӕтты къӕлиндары снысан кӕныны фӕлтӕрӕнтӕ фенӕм. Фӕлӕ фаухӕсджытӕ уайтагъд бабирӕ вӕййынц. Сӕ «бындурондӕр» фидаргӕнӕн ныхӕстӕ — махмӕ йӕ афтӕ кӕнынц, зӕгъгӕ. Цы зӕгъдзысты нӕ уазджытӕ та, цымӕ?

Нӕ программæ «Бæрцытæ»-йы дзурӕм ӕхсӕнадон уазӕгдӕттыл. Фаг сты? Ӕви ма сыл афтауын хъӕуы? Чи ис, уыдон цы уавӕры сты? Цӕмӕн афтӕ ахсджиаг у, фыццаг бакастӕй дзурын цӕуыл не ‘мбӕлы, уый дзырддаг кӕнын? Бацархайдтам уыдӕттӕ равзарыныл. Уӕвгӕ, ацы хъуыддагыл бæстон ныхас нæма уыд. Ӕвӕццӕгӕн, ӕфсӕрмыты азарӕй. Фӕлӕ иугӕр туристтӕ нӕ республикӕмӕ мингӕйттӕй цӕуын райдыдтой, уӕд сын ӕмбӕлы аккаг лӕггӕдтӕ кӕнын. Уазӕгдӕттӕй райдайын нӕ куы бахъӕуа, уӕддӕр. Уый та уымӕн, ӕмӕ адӕймаджы хи хъуыды куы ‘рцахса, уӕд ӕй йӕ алыварс хорзӕхтӕ нал фендавынц.

Программæ «Бæрцытæ»-йы ацы хатт нæ дзырды сæр уыдысты социалон хызæгтæ. Ныры дуджы сæ адæймаджы сыфцæй дæр нæ атондзынæ. Фæлæ дзы арæх цæст æрхæцы, сæрæй къахмæ нырризæн кæмæй ис, ахæм нывтæ. Фæндаггон бæллæх уа, донивылд искæй скъæфа, уæладзыгон хæдзары сæрæй исчи рахауа, æндæр исты бæллæх – цæстыфæныкъуылдмæ социалон хызæгты балæууы. Искæй æххуыс куы хъæуа, уæддæр уый — фæстæдæр. Фыццаг уал адæм фæлæбурынц телефонмæ æмæ æвæстиатæй сисынц дудгæ кадртæ. Мах уый скодтам нæ дзуринаг: цæмæн афтæ тынг «уарзæм» карз æрмæджытæ, суанг сывæллæттæ дæр? Нæ уазджытæм байхъусын уæм хъуамæ цымыдисаг фæкæса.

Нæ радон программæ «Бæрцытæ»-йы нæ дзырды сæр уыдзæн, нæ адæмы нын адæмыхатт цы кæны, уый – не `взаг. Хъусæм æй радиойæ æмæ телеуынынадæй, кæсæм æй газеттæ æмæ журналты фæрстыл, стæй дзы кæрæдзийы `хсæн ныхасы рæстæг искуы-иу хатт апайда кæнæм. Бæрнон хæстæ `рæнцайы ахуырадыл мадæлон æвзаг рæзгæ фæлтæрыл тауыны хъуыддаджы. Афтæмæй дзурдзыстæм, куыд æмæ цæй фæрцы ахуыр кæнæм не ‘взаг, ууыл.

Программæйы темæ – «Чиныг æви сæрниз?» Чи сæ фауы, стæй цæмæй? Хорзæй сæм цы ис? Ацы æмæ æндæр фæрстытæн агурдзыстæм дзуæппытæ.

Нæ радон программæ «Бæрцыты» бæрцæй дзурдзыстæм, дзуринаг чи у, фæлæ дзурынмæ адæм сæ ныфс кæмæ нæ хæссынц, ахæм хъуыддагыл. Ирыстоны цæргæйæ, уæлдайдæр. Сылгоймаджы бинонтæ скæнынæй амонд куы нæ фæуа, уæд ын мад суæвынæй амондджын дæр не ‘мбæлы? Чи йын дары йæ цæстмæ уыцы цау, чи йæм хæлæг кæны, стæй куыд æрцæуы адæймаг уыцы хъуыдымæ? Кады æви тæрхоны аккаг у, æнæ цардæмбалæй сывæллон чи ныййардта, уыцы сылгоймаг? Нæ студийы уазæг – уæндон къахдзæф чи акодта, уый.

Нырыккон ирон культурæйы кой чи не скодта ныронг æмæ чи нæ кæны, иу ахæм нал баззад.

Нæ дзырды сæр абон ахсджиаг кæй у, ууыл дызæрдыг мачи кæнæд. Фæстаг азты нын нæ къухæй байсынмæ хъавынц, цæрæнбонты дзырддаг цы хъуыддæгтæ нæ уыдысты, уыдон. Кæй æмæ цæмæн бахъуыд сабыр царды бæлæгъ сдыууæрдæм кæнын? Нæ фæдæлдон уыдзысты, уыцы бæлæгъæй чи асхъиуа, уыдон? Куыд у нæ бон бахъахъхъæнын нæ историон хæзнатæ?

Нæ радон равдыст «Бæрцытæ»-йы ацы хатт аныхас кодтам, нæ республикæйы спортивон æнтыстытæм чи æмæ цы фæндæгтыл хъуамæ цæуа, ууыл.

Ирон æхсæнады рæзтæн йæ рахæцæн — нæ ивгъуыды. Афтæ зæгъынц иутæ. Иннæтæ стох кæнынц: размæ, æрмæстдæр размæ! Уæдæ цæй мидæг ис ирон æхсæнады райрæзты тых? Ууыл ныхас кæндзыстæм нæ радон равдыст «Бæрцытæ»-йы. Цæмæн кæны дыууæ дихы не `хсæнад, цы нæ бакæнын хъæуы, цæмæй иудзинадыл кусæм, стæй, уæвгæ, тыхджын æхсæнады цæрæм æви нæ? Æппæт ацы фæрстытæ радтам нæ уазджытæм. Куыд нæм кæсы, афтæмæй нæ ныхас æдзæхх нæ рауад.

Цæмæй фидауы цард? Цы йæ хъыгдары? Цæуыл сагъæс хъуамæ кæнæм æрвылбон? Хуызæн миниуджыты бæрцæй æххæст стæм æви нæ? Ацы æмæ æндæр хъуыддæгтыл ныхас кæндзыстæм телеканал «Осетия-Ирыстон»-ы ног равдысты. Йæ ном — «Бæрцытæ».
Абон уын уæ размæ хæссæм национ идейæйыл ныхас. Нæ студимæ æрбахуыдтам республикæйы кадджындæр адæмæй цалдæры. Куыд æмбарынц национ идейæйы мидис, цавæр фæндæгтыл æм хъуамæ цæуæм, цы нæ нæ уадзы йæ бамбарын? Уыдæттыл аныхас кодтам нæ уазджытимæ. Нæ зæрдæ дарæм, сымах дæр сæм æхсызгонæй кæй байхъусдзыстут.