Æрæджы Ирыстоны хæхбæсты иу иннæйы фæдыл фæзынд 10 цымыдисаг арт-объекты. Нарты Сосланы фаттæ, хъисын фæндыр, бæркады сыкъа, Балсæджы цалх, скифаг цирхъ, хъаматимæ кафаг нæлгоймаг, дамгъæ «Æ», кавказаг фыранк, Къостайы фæлгонц.
Уыдон сты ирон адæмы монон æмæ материалон культурæйы нысæнттæ. Хуыздæр нæ зонгæ кæнынц нæ адæмы истори, культурæ, эпос æмæ æгъдæуттимæ. Мах та уæ базонгæ кæндзыстæм, арт-объектты хуызы сæ нæ размæ цы курдиатджын лæппутæ рахастой, уыдонимæ.
