«О, мæ хуры хай, рæсугъд чызгай,
Ды дæ æнусмæ мæ цард, мæ цин,
Ды дæ мæ бæллиц, рæсугъд чызгай,
Фæлмæн мидбыл мæм фæхуд».
Ацы зарæг чи нæ зоны, ахæм адæймаг, æвæццæгæн, зын ссарæн у. Æмæ се ппæтæн дæр у уарзон. Уыимæ куыд аивадуарзджытæн, афтæ музыканттæн дæр. Кæд, мыййаг, уымæн ис сæ репертуары.
Мæ абоны уазæг дæр æй зары. Иунæгæй нæ, æртæйæ. Мæнмæ гæсгæ йæ бамбæрстат, къорд «Фидæны» уæнгтæй иумæ кæй æнхъæлмæ кæсын, уый. Сæ кой раджы айхъуыст, се сфæлдыстад æмæ лæппутæ сæхæдæг бирæтæн систы уарзон æмæ сын семæ фембæлд æхсызгон вæййы.
Æхсызгон лæвар аивадуарзджытæн кæнын æз дæр. Абон Нартыхъты Валерий у мæ уазæг.