Цæмæн кафæм иннæ адæмы хæттыты кæфтытæ, æмæ нæхи ирон кæфтытæ арæхдæр рохуаты цæмæн аззайынц? Ирон уæздан «Симд» æмæ «Хонгæйы» бæсты нæм иннæты кæфтытæ хуыздæр цæмæн кæсынц? Уыцы хъуыддаг иртасæм нæ программæйы.

Нæ куыстадон бон маршрутон таксийæ райдайы. Уæдæ нæ изæрæй нæ хæдзæрттæм дæр æхсæнадон транспорт аласы.

Æрдзæн пластик хæссы стыр зиан! Æви йын зиан гæххæтт хæссы? Адæймаджы цардархайды тыххæй дунейы фурд цы уавæрмæ æрцыди æмæ уæлдæфы сыгъдæгдзинад куыд аивта? Нæ республикæйы цæрджытæн уыцы уавæрыл сæ бон сахадын куыд у, ууыл дзурæм нæ программæ «Сасир»-ы.

Ирыстоны иронау дзурæг бæрнон адæймæгты ссарын боныгон стъалытæ фенынæй зындæр у. Цавæр аххосæгтæм гæсгæ æрцыди уыцы хъуыддаг? Хицауады иронау сдзурын кæнын зын æвзарæн цæмæн у? Ууыл ныхас кæнæм нæ программæ «Сасир»-ы.

Цы сразæнгард кæны 16-17-аздзыд адæмы бинонтæ скæнынмæ?

Фæстаг рæстæг Дæргъæвсы дзæппæзтæ дзырддаг фесты.

«Ирыстоны хъуамæ æхгæд æрцæуой æнæуаг митæ æвдисæг телеканалтæ!» Ахæм хъуыдыйы фарс рахæцыдысты нæ республикæйы æхсæнадон организацийы уæнгтæ. Гъемæ ахъуыды кодтам: цавæр ахадындзинад ис телеуынынадæн нæ царды? Æмæ нæ къæбицæй нæ «Сасир» рахастам…

Нарты Сырдоны номимæ баст у ныхас «хин æмæ кæлæн», зæгъгæ. Фæлæ абон уыцы дзырдтæ бар канд кадджытæм нал дарынц. Царды дæр апарахат сты, æмæ уый аххосæгтыл дзурæм нæ программæйы.

«Ау, ирæттæ не стæм?!» Цал æмæ цал хатты фехъусæн ис Ирыстоны уыцы ныхас! Фæлæ ирæттæ цавæр сты? Нæ миниуджытæ нын нæхицæй хуыздæр чи зоны? Мах бавдæлдыстæм æмæ уыцы фæрстытæ нæ «Сасир»-æй балуæрстам.

Лыстæг æмæ бæстон æрдзурдзыстæм фонограммæйыл Ирыстоны.